Ամերիկայի Հայկական Ասամբլեան ողջունել է Հայոց ցեղասպանության 105-րդ տարելիցի կապակցությամբ ԱՄՆ նախկին փոխնախագահ Ջո Բայդենի հայտարարությունը:
Նշենք, որ ավելի վաղ Ջո Բայդենն իր հայտարարության մեջ նշել էր, որ ընտրվելու դեպքում նա պարտավորվում է սատարել Հայոց ցեղասպանությունը ճանաչելու բանաձեւը եւ դարձնել համընդհանուր մարդու իրավունքներն իր վարչակազմի գլխավոր առաջնահերթությունը: Բայդենի հայտարարության մեջ մասնավորապես նշված է. «Այսօր մենք հիշում ենք չարագործությունները, որոնց բախվել է հայ ժողովուրդը Մեծ Եղեռնի՝ Հայոց ցեղասպանության ժամանակ
Բազմաթիվ տարիների ընթացքում Սենատում ես հպարտությամբ գլխավորել եմ հայ ժողովրդի դեմ կատարված Ցեղասպանության ճանաչման ջանքերը: Այսօր ես մեր ժողովրդի կյանքում այդքան մեծ ներդրում ունեցող բոլոր հայերի եւ հայ-ամերիկյան համայնքի կողքին եմ՝ հիշելով եւ հարգանքի տուրք մատուցելով Հայոց ցեղասպանության զոհերին»,-նշված է հայտարարության մեջ: Այսօրվա հայտարարությունը ցեղասպանության հարցում Բայդենի բազմամյա փորձի գագաթնակետն էր, հատկապես ԱՄՆ Սենատում նրա աշխատանքի ժամանակ, նշում է ԱՀԱ-ն:
