Հայրենական մեծ պատերազմում հաղթանակի 75-ամյակի առիթով Երևանում մոսկովյան մշակութագործարարական «Մոսկվայի տուն» կենտրոնը և Կարեն Քոչարյանի «Կամուրջներ» հեղինակային նախագիծը կազմակերպում են «Մեր հաղթանակի երգերը» տոնական առցանց համերգը, որը կկայանա մայիսի 9-ին ՝ ժամը 21:00-ին: Այս մասին հայտնում են Երևանի մոսկովյան մշակութագործարարական կենտրոնից։
«Ժամանակակից տեխնոլոգիաների շնորհիվ մենք համախմբել ենք ինչպես հայտնի, այնպես էլ երիտասարդ արտիստների Ռուսաստանից, Հայաստանից և Բելառուսից, որոնք տոնական տրամադրություն կապահովեն բոլորիս համար: Համերգի հեռարձակումը կապահովվի «Մոսկվայի տան» YouTube-յան, Facebook-յան, Instagram-յան էջերում և dommoskvy.am պաշտոնական կայքէջում»,- ասվում է հաղորդագրության մեջ:
