Գավառում փոխհրաձգության հետեւանքով հրազենային վնասվածք ստացած քաղաքացիներից վերակենդանացման բաժանմունքից տեղափոխվել են Վնասվածքաբանության եւ օրթոպեդիայի բաժանմունք։ Այս մասին NEWS.am-ին հայտնեց «Արմենիա» բժշկական կենտրոնի գլխավոր տնօրենի՝ վիրաբուժական գծով տեղակալ Աշոտ Կուրղինյանը։

Նա հայտնեց, որ նրանց վիճակները միջին ծանրության են, գրեթե բավարարին մոտ։

NEWS.am-ի հետ զրույցում «Էրեբունի» ԲԿ գործադիր տնօրեն Միքայել Մանուկյանն ասաց, որ իրենց մոտ մնացած մեկ քաղաքացին արդեն տեղափոխվել է հիվանդասենյակ, վիճակն էլ կայուն է։ Նշենք, որ մի քանի օր առաջ մեկ քաղաքացին դուրս է գրվել բժշկական կենտրոնից։

Հիշեցնենք, որ ապրիլի 28-ին Գեղարքունիքի մարզի Գավառ համայնքի Ազատության փողոցում կրակոցներ էին հնչել, որոնց հետեւանքով մահացել էր 2 մարդ, եւս 4-ը մարմնական վնասվածք էր ստացել։