Հեղուկ ջուրը մաքուր տեսքով չի կարող պահպանվել Մարսի ցուրտ մակերեւույթին, սակայն հայտնի է, որ աղերի առկայությունը կարող է ստեղծել հեղուկ «աղաջրեր», որոնք կարող են որոշ ժամանակ պահպանվել, հայտնում է Nat-geo-ն:
NASA-ի Curiosity եւ «Ֆենիքս» մարսագնացները մոլորակի հողում հայտնաբերել են աղեր, որոնք հայտնի են որպես պերքլորատներ, եւ հետազոտողները կարծում են, որ աղաջրերը կարող են դրանց շնորհիվ առաջանալ:
Ինչպես աղաջրերն իրենց կպահեն ժամանակակից մարսյան պայմաններում՝ այս մասին ավելին իմանալու համար Հյուսթոնի Լուսնային եւ մոլորակային ինստիտուտից մոլորակաբան Էդգար Ռիվերա-Վալենտինը եւ նրա գործընկերները համակարգչային մոդելավորում են կատարել՝ համատեղելով ջերմադինամիկ եւ կլիմայական մոդելները:
Նրանք հայտնաբերել են, որ աղաջրի մի տեսակը կարող է մնալ հեղուկ վիճակումմոլորակի մակերեւույթին եւ մի քանի սանտիմետր ցածր`վեց անընդմեջ ժամերի ընթացքում մոլորակի մակերեսի 40%-ի վրա, հիմնականում հյուսիսային եւ միջին հյուսիսային լայնություններում: Այնուամենայնիվ, այս աղաջրերը բավականին սառն են, դրանց ջերմաստիճանը -48°C է, ինչը մոտ 25 աստիճանով ցածր է Երկրի վրա կյանքի համար հայտնի թույլատրելի սահմանից:
Հետազոտողները պնդում են, որ այս հայտնագործությունը օգտակար կլինի նրանց համար, ովքեր դեպի Մարս թռիչքներ են նախատեսում: Հեղուկ ջրի օգտագործման պոտենցիալ ունեցող վայրեր արշավները ենթակա են պաշտպանության խիստ կանոնների` Երկրից աղտոտման ռիսկը նվազեցնելու համար: Եթե մարսյան աղաջրերը իսկապես անպիտան են մեր մոլորակից ցանկացած հայտնի օրգանիզմների կյանքի համար, դա կարող է մեղմացնել հետագա հետազոտությունների սահմանափակումները: