News
Լրահոս
News
Չորեքշաբթի
Հունիս 03
USD
482.38
EUR
540.89
RUB
7.05
ME-USD
0.03
Տեսնել լրահոսը

Գյուղացիները ֆինանսի կարիք ունեն, մեծ մասն ունի վատ վարկային պատմություն, եւ բանկերը հրաժարվում են վարկ տալ: Այս մասին այսօր՝ մայիսի 23-ին, վարչապետ Նիկոլ Փաշինյանի Արարատի Մարզի Վերին Դվին համայնք այցի ժամանակ նշեցին գյուղացիները, որոնք,ի դեպ, բոլորը դիմակով էին:

«Հեռուստատեսությամբ տեսանք, որ եթե 4-5 գյուղացիներով միավորվենք, արդեն կարող ենք վարկ վերցնել: Հիմա մենք 4-5 գյուղացիներով, որ ունենք 10-12 հա հող, միավորվել ենք, բայց էլի բանկերը մերժում են: Առաջին հերթին երաշխիք են պահանջում, երաշխիքներ էլ չկան: Իսկ հնարավո՞ր է, որ այդ երաշխիքը ասենք ավագանին տա, որը բանկի համար ուժ ունենա»,-ասաց գյուղացիներից մեկը:

Մյուսն էլ նշեց, որ հազար մետր ջերմոց է սարքում, վարկ չեն տալիս, որ սերմացու գնի. «Աշնանը 5 մլն դրամ վարկ վերցրել եմ, տնամերձ հողեր եմ առել, վարկը փակում եմ, բայց հիմա 150 հազար դրամ եմ ուզում, չեն տալիս, ասում են ծանրաբեռնված է:

Մեզ ասում են՝ օրական 4 դիմում ենք կարողանում սպասարկել, ընդհանրապես, 4 ամիս մոռացեք սուբսիդավորված վարկերի մասին, զրո տոկոս էլ չէ, 5 տոկոսով էլ չեն տալիս»:

Էկոնոմիկայի նախարար Տիգրան Խաչատրյանը պարզաբանեց, որ գործող ծրագրով պետությունն ապահովում է վարկի մի մասը, որի համար գրավ չեն պահանջում, դա կարող է կազմել մինչեւ 75 տոկոս, իսկ մնացած 25 տոկոսի համար պետք է գրավ ներկայացնել բանկին:

Նիկոլ Փաշինյանն էլ նշեց, որ հիմա քննարկում են տարբերակ, որ հողը որպես գրավ բանկերը վերցնեն. «Բայց դեռ դա նախնական պատմություն է: Ես չեմ ասում, որ դա հենց այդպես կլինի»:

Էկոնոմիկայի փոխնախարար Արման Խոջոյանը ներկայացրեց, թե ինչ պետք է անել այդ ծրագրերով վարկ ստանալու համար. «11 ծրագրային վարկ ունենք, որի մեջ մտնում է ինտենսիվ այգիների հիմնումը, անասնաբուծության համար, խելացի ֆերմաները: Փորձել ենք շղթան փակել: Առաջին քայլը կոոպերատիվ եք ստեղծում, երկրորդ քայլը դիմում եք Էկոնոմիկայի նախարարություն, կոոպերատիվի նախագահը մասնակցում է դասընթացների, որից հետո դիմում եք բանկ՝ սերտիֆիկատով»:

!
Այս նյութը հասանելի է նաև   Русский
Տպել
Ամենաշատ