ԱՄՆ պետքարտուղար Մայք Պոմպեոն սատարել է Լիբիայում հրադադարի կոչերը՝ մարտնչող կողմերին հորդորելով թույլ չտալ «Ռուսաստանի ազդեցությունը», հայտնում է AFP-ը։
«Այժմ անհրաժեշտ են արագ եւ բարեխիղճ բանակցություններ՝ հրադադարին հասնելու եւ ներքին լիբիական քաղաքական բանակցությունները ՄԱԿ ղեկավարությամբ վերականգնելու համար»,- լրագրողներին հայտարարել է Պոմպեոն այն բանից հետո, երբ եվրոպական առաջնորդները նույնպես հավանություն են տվել հրադադարին։
«Եկել է ժամանակը, որ լիբիացիները բոլոր կողմերից գործեն այնպես, որպեսզի ոչ Ռուսաստանը, ոչ ցանկացած այլ երկիր չկարողանան իրենց շահի համար միջամտել Լիբիայի ինքնիշխանությանը»,- ասել է նա։
«Տնտեսական վերականգնման ճանապարհ Լիբիայի դուրս գալը նշանակում է լիբիական նավթային օբյեկտների պահպանում»,- հավելել է նա:
