Այս պահին ընթանում են շատ կոնստրուկտիվ բանակցություններ, քաղաքական պրոցես է գնում, թույլ տվեք չմանրամասնել։ Այս մասին այսօր՝ հունիսի 18–ին, ԱԺ–ում լրագրողների հետ ճեպազրույցում ասաց ԱԺ «Բարգավաճ Հայաստան» խմբակցության քարտուղար Արման Աբովյանը՝ անդրադառնալով նոր քննիչ հանձնաժողով ստեղծելու իրենց առաջարկությունը։
Լրագրողի դիտարկմանը, որ ԼՀԿ ղեկավար Էդմոն Մարուքյանն ասել է, որ մի դեպքում կհամաձայնեն, եթե ԼՀԿ–ից լինի ղեկավարը, Աբովյանն ասաց. «Կարծում եմ, որ ոչ մենք, ոչ մեր ընկերները պայմաններով կամ նախապայմաններով չենք խոսում դրա հետ մեկտեղ իհարկե հարգանքով ենք վերաբերվում պարոն Մարուքյանի կարծիքին, բայց ոչ մի մանրամաս այս պահին չեմ հաղորդելու, գնում է քաղաքական ընթացք նույնը Սահմանադրական դատարանի պահով»։
Հարցին սպասում եք դատարանի որոշմա՞նը Գագիկ Ծառուկյանին կալանավորելու հետ կապված, Աբովյանը պատասխանեց. «Ոչ, դա ընդհանրապես կապ չունի, մի պրոցեսը մյուս պրոցեսի հետ կապ չունի շատ պարզ պատճառով, սա մի քաղաքակն պրոցես է, նա լրիվ ուրիշ քաղաքական պրոցես»։
