Մենք չենք կարող այս օրենքն ամբողջությամբ ժամանակակից համարել, քանի որ այստեղ նշված չէ էլեկտրոնային մեդիան: Այս մասին ԱԺ Նիստում հայտարարեց «Լուսավոր Հայաստանի» պատգամավոր Անի Սամսոնյանը:
Նա նշեց, որ էլեկտրոնային ԶԼՄ-ները եւս վերահեռարձակում են աուդիովիզուալ արտադրանք, եւ այդ պատճառով անհրաժեշտ է ունենալ օրենք, որը կկարգավորի այդ ոլորտի գործունեությունը: «Մենք կարող էինք տվյալ օրենսդրական նախաձեռնությունն ավելի ուշ ներկայացնել, սակայն այդ դեպքում դրանում կներառեինք նաեւ էլեկտրոնային ԶԼՄ-ների գործուենության կարգավորումը: Կարծում եմ՝ դա ավելի ճիշտ կլիներ»,-ասաց Սամսոնյանը:
Նշենք, որ ներկայացված օրենսդրական նախաձեռնությունը պետք է փոխարինի «Հեռուստատեսության եւ ռադիոյի մասին» գործող օրենքը, որը, պատգամավորների կարծիքով, այլեւս չի համապատասխանում ժամանակի պահանջներին:
Բացի այդ, նախաձեռնության հեղինակների խոսքով՝ օրենսդրական փաթեթի նպատակն է մեդիայի ծառայությունները կարգավորող մարմնի անկախության ապահովումը, աուդիովիզուալ տեղեկատվության անվտանգությունն ու զարգացումը, տարբեր աուդիովիզուալ ծրագրերի հնարավորությունների զարգացումը:
Օրենսդրական նախաձեռնության հեղինակների կարծիքով՝ ակնկալվում է, որ նախագծի ընդունումը կախված է հանրային հեռարձակման արտադրանքի որակից, եւ այն բարենպաստ իրավական դաշտ կստեղծի, ինչպես նաեւ հավասար մրցակցային միջավայր, ինչը կապահովի լրագրության, մեդիագրագիտության որակի բարձրացմանը, կհանգեցնի ատելության դրսեւորման նվազեցման, կնպաստի ԶԼՄ-ներում սեփականության իրավունքի թափանցիկությանը, ինչպես նաեւ կապահովի մեդիա արտադրանքի հուսալիությունը: Օրենսդրական նախաձեռնությունը կարգավորում է նաեւ մայրենի լեզվի պահպանումը, քանի որ խորհուրդ է տրվում հայերենի անցում՝ անկախ ծրագրի տեսակից: Ինչպես նաեւ կա պահանջ այն մասին, որ այլ լեզուներով աուդիովիզուալ ծրագրերը պետք է թարգմանվեն կամ հեռարձակվեն սուբտիտրներով:
Ընդ որում՝ օտարերկրյա հեռարձակողները պետք է բացառվեն Հայաստանի հանրային մուլտիպլեքսից: Նշենք, որ այս կետի տակ են ընկնում հիմնականում ռուսական հեռուստաալիքները, որոնք վերահեռարձակվում են Հայաստանում: Նոր իշխանությունները նշում են, որ արգելքը պայմանավորված է «տեղեկատվական եւ լեզվի անվտանգության» նկատառումներով:
