Թաիլանդի զբոսաշրջության եւ սպորտի նախարար Պխիպխատ Ռատչակիտպրակարանը հայտարարել է երկրի զբոսաշրջային ոլորտի համար «պետական արարողակարգի» ընդունման մասին, հայտնում է «Ռոսիյսկայա գազետա»-ն։
Առաջիկա 2020-2021թթ․ զբոսաշրջային սեզոնում առավելությունը կտրվի այն զբոսաշրջիկներին, որոնք համարներ են ամրագրել ու վճարել 4 եւ 5-աստղանի հյուրանոցներում։ Հանգստավայրերից նշվում են Պխուկետը, Սամուին, Պանգանը եւ Պխի Պխին։ Թաիլանդի իշխանությունները կարծում են, որ իրենց մոտ կգան ոչ թե 40 մլն զբոսաշրջիկներ, ինչպես սովորաբար, այլ 10 մլն։
Նաեւ թագավորության իշխանությունները չեն կողմնորոշվի դեպի զանգվածային զբոսաշրջությունը։ Թաիլանդը՝ «լեցուն լողափերով, կասկածելի զվարճանքներով», պետք է մնա անցյալում, կարծում է Ռատչակիտպրակարանը։ Դրա պատճառը զանգվածային զբոսաշրջության ազդեցությունն է երկրի էկոլոգիայի եւ բնության վրա։ Ակնհայտ է, որ մեկուսացումը դրական է ազդել Թաիլանդի ֆլորայի եւ ֆաունայի վրա։ Այդ պատճառով որոշվել է վերակառուցել զբոսաշրջային ոլորտը։