Tesla Model Y քրոսովեր-ը ներկայում հասանելի է միայն հինգ տեղանոց տարբերակով, եւ այժմ Իլոն Մասկը տեղեկացրել է, թե երբ կարելի է սպասել նոր տարբերակի, գրում է Motor-ը:

Իր Twitter-ում Իլոն Մասկը պատասխանել է այն հարցին, թե երբ շուկայում կհայտնվի Tesla Model Y-ի յոթ տեղանոց տարբերակը՝ էլեկտրական մեքենային կարելի է սպասել այս տարվա չորրորդ եռամսյակի սկզբին: Ընդ որում, Tesla-ն դեռեւս չի հրապարակել յոթ նստատեղով սրահի լուսանկարներ, ուստի տեղերի երրորդ շարքի դասավորությունը դեռ առեղծված է, մանավանդ հաշվի առնելով, որ էլեկտրական մեքենայի բեռնախցիկում շատ տեղ չկա: Հավանաբար, Model Y-ը կօգտագործի Model S- ի դասավորությունը`երկու նստարանների հենարանները դեպի առաջ:

Model Y էլեկտրական քրոսովերը հիմնված է Model 3 սեդանի վրա եւ նման է ավելի մեծ Model X-ի, բայց առանց ֆիրմային «բազեի թեւերի»: «3»-ից ժառանգված դեֆորմացիայի մեծ տարածքներով ուժային կառույցի օգտագործման շնորհիվ երաշխավորված է պասիվ անվտանգության բարձր մակարդակ: Չնայած Tesla-ն նախկինում բոլոր մոդելները թողարկում էր ուշացումով, Model Y-ը առաջին անգամ շուկա մտավ ոչ միայն ժամանակին, այլ նախատեսվածից շուտ՝ առաջին տերերը քրոսովերը փետրվարին ստացան։