«Մուլտի գրուպ» կոնցեռնի գործադիր տնօրեն Սեդրակ Առուստամյանը ԲՀԿ առաջնորդ Գագիկ Ծառուկյանի դեմ որեւէ ցուցմունք չի տվել։ Այս մասին NEWS.am-ի հետ զրույցում ասաց Առուստամյանի պաշտպան Հովիկ Սուքիասյանը։
Նշենք, որ մամուլում լուրեր են շրջանառվում, թե Սեդրակ Առուստամյանը ցուցմունք է տվել այն մասին, որ իր անունով գրանցված մոտ 120 ձեռնարկությունները պատկանում են Գագիկ Ծառուկյանին:
«Շուրջ 2 տարի ներկա եմ եղել Առուստամյանի հարցաքննություններին, նա Ծառուկյանի դեմ որեւէ ցուցմունք չի տվել։ Այնպիսի թիվ է նշված, որ Առուստամյանը կապ չունի այդ թվերի հետ։ Նման տեղեկության հրապարակման նպատակը չեմ հասկանում, անհեթեթություն է»,- ասաց Սուքիասյանը։
Հարցին՝ արդյոք Առուստամյանը ընտրակաշառքի գործով հարցաքննվե՞լ է, պաշտպանն ասաց՝ ոչ։
Հիշեցնենք, որ ԱԱԾ-ն հունիսի 14-ին 2017 թ. ապրիլի 2-ին կայացած ՀՀ ԱԺ ընտրությունների ժամանակ ընտրողներին կաշառք տալու, կաշառք ստանալու հարյուրավոր եւ համակարգային բնույթ կրող ենթադրյալ դեպքերի առնչությամբ տարածեց հաղորդագրություն։ Որպես մեղադրյալ է ներգրավվել ԲՀԿ առաջնորդ Գագիկ Ծառուկյանը, որին ԱԺ-ն զրկեց պատգամավորական անձեռնմխելիությունից։
Նշենք, որ ըստ Դատախազության հաղորդագրության՝ Առուստամյանը 22.401.000 ԱՄՆ դոլարի կաշառք է տվել 2008-2014 թթ ՊԵԿ նախագահի, ապա՝ Ֆինանսների նախարարի պաշտոնը զբաղեցրած անձին՝ ընդհանուր հովանավորչության, վերջինիս ղեկավարման ներքո գտնվող հարկային եւ մաքսային մարմինների կողմից իր ներկայացրած առեւտրային կազմակերպությունների գործունեության համար խոչընդոտներ չստեղծելու եւ այլ նպատակներով, իսկ այդ գումարների հանցավոր ծագումը թաքցնելու համար դրանք փոխանցվել են Գագիկ Խաչատրյանի որդիների մատնանշած եւ նրանց հետ փոխկապակցված օտարերկրյա, ոչ ռեզիդենտ կազմակերպությունների հաշվեհամարներին։ Ինչպես նաեւ, նշված գործարքի հանցավոր բնույթը թաքցնելու եւ քողարկելու համար վերջիններիս եւ Ս․Ա-ի միջեւ կնքվել են փոխառության պայմանագրեր՝ համապատասխանաբար 7.000.000 եւ 13.400.000 ԱՄՆ դոլարի
Առուստամյանին առաջադրվել է մեղադրանք՝ ՔՕ 312-րդ հոդվածի 3-րդ մասով (առանձնապես խոշոր չափի կաշառք տալը) եւ 38-190-րդ հոդվածով (փողերի լվացման օժանդակությունը):