News
Լրահոս
News
Շաբաթ
Օգոստոս 08
USD
485
EUR
573.17
RUB
6.58
ME-USD
0.02
Տեսնել լրահոսը

Երեկ տեղի է ունեցել ԵԱՀԿ Խորհրդարանական վեհաժողովի հերթական վեբինարը, որին արդեն ավանդաբար մասնակցում էր «Ղարաբաղի ադրբեջանական համայնքի ղեկավար եւ Ստեփանակերտից ընտրված պատգամավոր» ներկայացող սուբյեկտը։ Այս մասին Facebook-ի իր էջում գրել է ՀՀԿ երիտասարդական կազմակերպության ղեկավար Հայկ Մամիջանյանը:

Նա, մասնավորապես, նշել է. «Վեբինարի թեման ահաբեկչության դեմ պայքարն էր եւ ադրբեջանցի պատգամավորը ներկայացրեց իրենց կողմից օգտագործվող բոլոր ապատեղեկատվական հնարքները։ Հետո ելույթ ունեցավ ՀՀ ԱԺ պատգամավոր Հայկ Կոնջորյանը եւ արձագանքեց բոլոր մեղադրանքներին։ Ու ես քիչ, թե շատ գոհ կլինեի վեբինարից, եթե մի քանի րոպե հետո ելույթ չունենար ադրբեջանցի երկրորդ պատգամավորը՝ շարունակելով վտանգավոր հիմարություններ ասել հակամարտության մասին։ Երկրորդ ադրբեջանցու զառանցանքը մնաց անպատասխան։

Քանի որ առաջին վեբինարին մեր երեսփոխանները «լայաղ չէին արել» մասնակցել ու միայն հանրապետականների կողմից ամոթանք ստանալուց հետո որոշեցին իրենց աշխատանքը անել՝ մի քանի ցուցում տամ։ Դե, դուք մեր էջերը շատ ավելի ուշադիր եք կարդում, քան միջազգային մամուլը։ Այս հնարքները գիտի ցանկացած մարդ, ով գոնե մեկ անգամ մասնակցել է միջազգային միջոցառման, որին եղել է ներկայացվածություն հարեւան երկրից։

1. Եթե գրանցվում է ադրբեջանցի պատգամավոր, ապա նա հաստատ խոսելու է հակամարտությունից ու ներկայացնի իրենց ապատեղեկատվությունը։ Ու կապ չունի միջոցառման թեման՝ նույնիսկ եթե խոսքը գնա կենդանիների պաշտպանությունից, ապա նրանք կասեն, թե Արցախում ձի են քշում, որը իրենց ֆաունայի խորհրդանիշն է՝ հետեւաբար դրանով հայերը հերթական անգամ ընդգծում են իրենց առավելությունը։

2. Եթե գիտեք, որ գրանցվել է ադրբեջանցի պատվիրակ, ապա դուք պիտի խոսեք նրանից հետո։ ՊԱՐՏԱԴԻՐ։ Ու՞ր էին մնացած ձրիպարգեւավճարակերները։ Ամբոջ ԱԺ-ում մի պատգամավոր ժամանակ գտավ, որ միանա այս վեբինարին։ Ու չասեք, թե գրանցվելու տարբերակ չկար՝ մոդերատորը մի քանի անգամ նշեց ելույթի համար գրանցվելու կարգը։

3. Միեւնույն ժամանակ մի դարձեք one issue politician` մեկ թեմայի քաղաքական գործիչ։ Եվրոպացիները այդպես են որակում այն պատգամավորներին, որոնք խոսում են միայն իրենց երկրի խնդիրներից։ Ակտիվ մասնակցեք նաեւ համաշխարհային քաղաքական օրակարգի մնացած հարցերի քննարկմանը՝ հակառակ դեպքում շատ արագ կդառնաք կանխատեսելի եւ անհետաքրքիր։

Քանի որ ձեր երեւակայությունը հերիքում է միայն ներքաղաքական հակասահմանադրական օրակարգ գեներացնելու վրա՝ մի խորհուրդ էլ տամ. պարզապես հետեւեք Թուրալ Գանջալիեւին եւ ուր գնա, որտեղ խոսի, ինչին մասնակցի՝ ներկա եղեք ու հակադարձեք։

Հուսամ կռահել եք, որ այդ տղան հարեւան երկրի ԱԳՆ-ի ու КГБ-ի «լաբորատոր փորձերի» արդյունքում ստացված պրոյեկտ է։Եթե տեղյակ չեք՝ ասեմ, որ ինքը ոչ միայն ԵԱՀԿ ԽՎ, այլ նաեւ ԵԽԽՎ ու Եվրոնեսթի ադրբեջանական պատվիրակությունների անդամ է ու ադրբեջանցիք իրեն «խցկելու են» բոլոր հավանական եւ անհավանական միջազգային հարթակների պատվիրակությունների մեջ։ Հավաքեք պառլամենտական դիվանագիտության պատասխանատուներին՝ տարբեր պատվիրակությունների ղեկավարներին ու ԱԳՆ-ի հետ համատեղ ռազմավարություն մշակեք սրա դեմը առնելու համար։ Ինքը արդեն իսկ մեզ բոլորիս մեծ վնաս է հասցնում։

Կարդացի՞ք, դե հիմա կարող եք վերադառնալ ձեր սիրելի գործերին՝ սահմանադրական կարգ տապալելուն, մեր դեմ ֆեյք քշելուն, ձեր սեղանին դրված Փաշինյանի բրոնզե արձանը շոյելուն եւ այլն։

Տպել
Կարդացեք նաև
Ամբողջը
Չեմ պնդել, որ իրականում 400 հա տարածքը բանակը ետ վերցնի՝ առավելությունը տալով մեր զինվորների կյանքին. Սերժ Սարգսյան
Այո, անկասկած սա հաղթանակ էր՝ հաղթանակ էր քանակապես գերազանցող, անակնկալ...
Հակահայկական քաղաքականությունը դարձել է Ադրբեջան պետության անկյունաքարը. Քուվեյթում ՀՀ դեսպան
Ադրբեջանը շարունակում է Սիրիայից ահաբեկիչների հավաքագրել և ուղարկել Կովկաս՝ խաղաղ հայ բնակչության դեմ...
Հայաստանն ի զորու է դառնալ մեր տարածաշրջանում խաղաղության երաշխավոր. «Ժառանգություն»
Բազմաբևեռ դարձող աշխարհակարգում Հայաստանը պետք է վերահաստատի իր դաշնակցությունն այն պետությունների հետ, որոնց շահերն առկա են մեր նալիքի...
Ցանկացած ինքնաթիռի, ուղղաթիռի օդ բարձրանալը, տարբեր ուղղություններով շարժվելը ֆիքսվում է. Տիգրան Աբրահամյան
Հակառակորդի օդուժի՝սահմանից վտանգավոր հեռավորության վրա գտնվելու...
Ընդդիմադիր գործիչը խիստ քննադատություն է հնչեցրել ՀՀ իշխանությունների՝ Ղարաբաղի մասով քաղաքականության կապակցությամբ
ՀՀԿ ներկայացուցիչը վստահություն հայտնեց, որ խաղաղության մասին պետք է ոչ թե խոսել, այլ՝ պարտադրել․․․
Չի լինելու երբեւէ զիջում, չի լինելու չբալանսավորված լուծում. Մենք ասում ենք՝ ստատուս եւ անվտանգություն. ԱԳ նախարար
Երկու տարվա ընթացքում մենք իրականում այդ գործառույթները իրականացրել ենք, եւ այս շրջանում մեզ համար ձեւավորվել է երեք աշխատանքային ուղղություն...
Ամենաշատ