News
Լրահոս
News
Կիրակի
Հունիս 23
Տեսնել լրահոսը

Տարածքային կառավարման եւ ենթակառուցվածքների նախարար Սուրեն Պապիկյանն այսօր աշխատանքային այցով մեկնել է Գյումրի՝ մասնակցելու «Գյումրու քաղաքային ճանապարհներ» ծրագրի 2-րդ փուլի մեկնարկին:

Ծրագրի շրջանակներում Վերակառուցման եւ զարգացման Եվրոպական բանկի ֆինանսավորմամբ 2020 թվականին նախատեսվում է իրականացնել երկրորդ փուլում ընդգրկված երեք չափաբաժիններով 9-12 մետր լայնությամբ եւ 13 կմ երկարությամբ 23 փողոցների ու հարակից մայթերի հիմնանորոգման աշխատանքներ:

Նախարար Սուրեն Պապիկյանի, Շիրակի մարզպետ Տիգրան Պետրոսյանի եւ Գյումրի համայնքի ղեկավար Սամվել Բալասանյանի մասնակցությամբ հիմնարկեքի արարողությունը տեղի  է ունեցել փողոցաշինական ծրագրի 2-րդ փուլի առաջին եւ երկրորդ չափաբաժիններում ընդգրկված թվով 15 փողոցներից երկուսում՝ Մայակովսկի եւ Օզանյան փողոցներում:

Միջոցառման ընթացքում պատասխանելով լրագրողների հարցերին՝  նախարարը նշել է, որ ծրագրի շրջանակներում Հայաստանում բարեկարգման աշխատանքներ են կատարվում սկսած 2018 թվականից․ «Այս տարի,  բացի փողոցների ու մայթերի հիմանորոգման աշխատանքներից, մենք համագործակցում ենք նաեւ Զբոսաշրջության կոմիտեի հետ, որպեսզի ճիշտ օգտագործելով Համաշխարհային բանկի ֆինանսական միջոցները՝ վերակառուցենք եւս երկու ճանապարհային հատված։ Խոսքը վերաբերում է Վարդանանց եւ Ջիվանի հրապարակներին»։ Նախարարը տեղեկացրել է, որ առաջիկայում նախատեսվում է IDEA հիմնադրամի հետ վերակառուցել նաեւ Բարեկամության այգին։

«Գյումրու քաղաքային ճանապարհներ» ծրագրի ընդհանուր արժեքը 23.84 մլն. եվրո է, որից 15,4 մլն եվրոն ուղղվելու է փողոցների հիմնանորոգման աշխատանքներին, իսկ 6,5 մլն եվրոյով իրականացվելու են քաղաքի փողոցային լուսավորության ամբողջ ցանցի արդիականացման աշխատանքներ։ Ծրագիրն իրականացվում է Վերակառուցման եւ զարգացման եվրոպական բանկի աջակցությամբ եւ նպատակ ունի Գյումրի քաղաքում ունենալ անվտանգ երթեւեկության կազմակերպման համար բարեկարգ փողոցներ եւ էներգախնայող արտաքին լուսավորության ցանց։

Տեղեկացնենք, որ նախորդ տարի ծրագրի շրջանակներում արդեն իսկ ամբողջությամբ բարեկարգվել, հիմնանորոգվել, կահավորվել եւ արդիականացվել են 12 կմ երկարությամբ 9 փողոց եւ 1 հրապարակ:

!
Այս նյութը հասանելի է նաև   English
Տպել
Կարդացեք նաև
Ամբողջը
Հնարավորություն է ստեղծվել քննարկել Հյուսիս-հարավի որոշ հատվածներ վճարովի դարձնելու հնարավորությունը. Փաշինյան
Սա ռազմավարական շատ մեծ ծրագիր է. կառուցապատողից տպավորությունը լավն էր...
Մ-6-Աթան ավտոճանապարհի հատվածի հիմնանորոգման աշխատանքներն ընթացքի մեջ են (վիդեո)
Այս պահի դրությամբ կատարվում են հողային աշխատանքներ‚ որոնք մոտ...
Իտալացի գործընկերներն այսօր կհետևեն Թալին-Լանջիկ‚ Լանջիկ-Գյումրի ճանապարհների շինաշխատանքներին
Հանդիպման ընթացքում տեխհսկողություն իրականացնող թիմի ներկայացուցիչը մանրամասն տեղեկացրեց Տրանշ-3-ի առաջին և երկրորդ լոտերում ներկա վիճակը...
Եթե մեր ժողովուրդը շատ դեմ չլինի, Հայաստանում կկառուցենք վճարովի ճանապարհներ. Նիկոլ Փաշինյան
Վարչապետը կարծում է, որ «Հյուսիս-հարավ» ճանապարհի կառուցումից հետո դրա ծանրաբեռնվածությունը կպահանջի դուրս բերել տեղական երթևեկությունը...
Սևանա լճի շուրջ մենք ունենում ենք շատ լավ վիճակում գտնվող ճանապարհ. Նիկոլ Փաշինյան
2 մլրդ 830 մլն դրամ կհատկացվի ընդհանուր 22 կմ միջպետական և տեղական ճանապարհների շինարարության համար...
Շուրջ 5 ժամ փակ մնալուց հետո Լարսի անցակետը բացվել է. ՌԴ-ում ՀՀ դեսպանությանը կից մաքսային կցորդը մանրամասներ է հայտնել
Հիշեցնենք, որ ավելի վաղ ՌԴ արտակարգ իրավիճակների նախարարության Հյուսիսային Օսիայի գլխավոր վարչությունը հայտնել էր, որ Վրաստանի տարածքում...
Ամենաշատ
Ֆոտոռեպորտաժներ