News
Լրահոս
News
Շաբաթ
Մայիս 08
USD
522.09
EUR
630.68
RUB
7.05
ME-USD
0
Տեսնել լրահոսը

Այս պահին  շատ ակտիվ գյուղատնտեսական սեզոն է եւ  իրականացվում է գյուղմթերքի արտահանման եւ մթերման գործընթացները: Այս մասին այսօր՝ հուլիսի 8-ին լրագրողների հետ հանդիպմանն ասաց ՀՀ էկոնոմիկայի նախարարի տեղակալ Արման Խոջոյանը՝ խոսելով գյուղատնտեսության ոլորտի բարեփոխումների ծրագրի մասին:

«Արտահանումն իրականացվում է բավական սահուն՝ առանց լուրջ խնդիրների: Մեր բեռնատարներն անարգել անցնում են սահմանային անցակետերը եւ ժամանակին գյուղմթերքը  հասցնում են արտաքին շուկաներ: Այս պահի դրությամբ՝ համաձայն մեր օպերատիվ տվյալների՝ Հայաստանից արտահանվել է 13․000 տոննա ծիրան, շուրջ 3200 տոննա կեռաս, 21․000 տոննա լոլիկ, 800 տոննա ելակ:

Ընդհանուր առմամբ՝ 58․000 տոննա պտուղ-բանջարեղեն է արտահանվել 2020 թվականին, որը 2019թ. նույն ժամանակահատվածի համեմատ՝ գրեթե 15 տոկոսով քիչ է»,- նշեց ՀՀ էկոնոմիկայի նախարարի տեղակալը՝ հավելելով, որ  15 տոկոսով պակաս արտահանման հիմնական մասը վերաբերում է խնձորին:

«Այս տարի արտահանվել է 5500 տոննա խնձոր, մինչդեռ 2019թ. նույն ժամանակահատվածում այդ թիվը կազմել է 11․500 տոննա:

Այսինքն, 6000 տոննա քիչ խնձոր է արտահանվել այս տարի, քան նախորդ տարի նույն ժամանակահատվածում: Նշեմ նաեւ, որ այս տարի արտահանված խնձորը դա 2019թ. բերքն է, եւ 2019թ․՝ 2018թ. համեմատ, խնձորի առավել քիչ բերքատվություն է եղել, եւ հետեւաբար՝ դրանով է նաեւ պայմանավորված արտահանման սակավ թիվը: Նույն ժամանակահատվածները համեմատելով՝ արտահանման որոշակի անկում ունենք ծիրանի հետ կապված. արտահանման ծավալների տարբերությունը նույն ժամանակահատվածի հետ համեմատած՝ 3000 տոննա է կազմում:

Տարեսկզբին ծիրանի բավականին առատ բերք էր սպասվում, սակայն ապրիլ-մայիս ամիսներին եղանակային անբարենպաստ պայմանները, հիմնականում՝ ցրտահարություն, կարկուտ, պատճառ դարձան, որ ունենանք ծիրանի ավելի քիչ քանակ, քան նախատեսվում էր»,- ասաց Արման Խոջոյանը:

Վերջինս նշեց նաեւ, որ  ակտիվ կերպով ընթանում են մթերման գործընթացները:

«Այս պահի դրությամբ մթերվել է մոտ 5500 տոննա պտուղ-բանջարեղեն, որից 1200 տոննան բանջարեղենն է, իսկ 4300 տոննան՝ պտուղը: Մոտ 2400 տոննան վերաբերում է ծիրանին»,- ընդգծեց նախարարը:

Արման Խոջոյանը,  խոսելով ծրագրերի մասին նշեց, որ  համաձայն Կենտրոնական բանկի կողմից տրված տեղեկատվության՝ երկրորդ միջոցառման շրջանակներում տրամադրվել է 16․200 վարկ՝ ընդհանուր 23 միլիարդ դրամ ծավալով:

«Միաժամանակ առաջին միջոցառման շրջանակներում գյուղատնտեսության ոլորտում գործող կազմակերպություններին գործառնական ծախսերն ապահովելու համար տրամադրվել է 6 միլիարդ դրամ:

Մինչ օրս պետական օժանդակության ծրագրերով գյուղատնտեսության ոլորտին տրամադրվել է 18․000 վարկ՝ ընդհանուր 37 միլիարդ դրամ ծավալով: Համեմատական կարգով նշեմ, որ այս ցուցանիշը 3-ից ավելի անգամ գերազանցում է նախորդ տարի նույն ժամանակահատվածի համար տրամադրված վարկերին»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքը հատեց 522 դրամի սահմանը. Եվրոն եւս թանկացել է
Թանկարժեք մետաղների համար բանկի կողմից սահմանվել են հետեւյալ գները…
ՀՀ կառավարությունն առաջարկում է 1 տոննա ցեմենտի ներմուծման համար 25 հազար դրամ տուրք սահմանել
Կառավարությունը պատրաստ է փոխել պետական տուրքերի չափը, եթե պատգամավորները համապատասխան առաջարկներ ունենան...
Էկոնոմիկայի նախարարի պաշտոնակատարը ձեռնպահ է մնացել Ամուլսարի եւ Թեղուտի վերաբերյալ դատողություններից
Նշենք, որ խոսքը Հայաստանում երկու խոշոր հանքավայրերի մասին է․․․
Էկոնոմիկայի նախարարի պաշտոնակատար. Ես չեմ խոստացել, որ թուրքական ապրանքների վաճառքը կարգելվի
Նա պարզաբանեց, որ նման հնարավորությունը միայն քննարկվում է․․․
ՀՀ էկոնոմիկայի նախարարի պաշտոնակատար. Արտահանումն աճել է 21 տոկոսով
«Կարող եմ եզրակացություն անել, որ արդյունաբերության ոլորտում անցած տարվա համեմատ բիզնեսն աճել է 20-30 կամ նույնիսկ 50 տոկոսով»,-նշեց նա:
Էկոնոմիկայի նախարարի պաշտոնակատար․ Երկնիշ աճը լուրջ արդյունք չէ, Բագրատյանը մանիպուլյացիա է անում
Այդ տարվա երրորդ եռամսյակում, 2019-ի նույն ժամանակահատվածի համեմատ, գրանցվել է 2% աճ․․․