News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.01
Տեսնել լրահոսը

«Հրապարակ» թերթը գրում է. ««Ա1+»-ի տնօրեն Մեսրոպ Մովսեսյանը «Տեսալսողական մեդիայի մասին» նոր օրենքում խնդիրներ է տեսնում եւ կարծում է, որ այն ավելի լավը չի դարձել։ Այս մասին Մովսեսյանն ասաց «Հրապարակի» հետ զրույցում․ «Ես կասեի, որ օրենքը, ընդհանուր առմամբ, չի փոխվել դեպի լավը, այնտեղ մի 2 հոդված կա, որ․․․ օրինակ, հոդված 2-րդի հետ կապված՝ ես մի դիտողություն ունեմ․ ասում է, որ ով ծրագրի մեջ ունի ինֆորմացիոն թողարկումներ, պարտավոր է երկրի գլխավոր իրադարձությունը ներկայացնել։

Նախ պարզ չէ, թե ով է որոշում՝ այդ իրադարձությունը երկրում գլխավո՞ր է, թե՞ ոչ, եթե դա որոշում է կառավարությունը, Ազգային ժողովը կամ նախագահը, ապա ես մտածում եմ, որ դա միջամտություն է, այդ մե՛ նք պետք է որոշենք՝ դա կարեւո՞ր է, թե՞ ոչ։ Այդպիսի բան անել պարտադրելը մի քիչ անիմաստ է։ Ես երեւի լավ չեմ հասկանում, չգիտեմ, բայց իմ մոտեցումն այդպիսին է, որ միջամտությունը պետք է լիովին բացառվի։ Այդպիսի մի քանի կետեր կան, դիտողություններ կան՝ կապված միջամտության հետ, պարտադրանքի հետ, որ «լրատվամիջոցը պարտավոր է»։

Անկախ հեռուստակայանները եւ ռադիոկայանները ոչ մի բան պարտավոր չեն․ բացի հարկեր մուծելուց, ուրիշ ոչ մի պարտավորություն չունեն եւ չեն կարող ունենալ: Ես այդպես եմ հասկանում»։

Մեսրոպ Մովսեսյանը մասնակցել էր Հանրային հեռուստառադիոընկերության խորհրդի նախագահի մրցույթին, սակայն, ոլորտում լինելով փորձառուներից մեկը, չընտրվեց խորհրդի նախագահի պաշտոնում։ Այդ պաշտոնը վստահվեց Արա Շիրինյանին։ Մեսրոպ Մովսեսյանին հարցրինք, թե ինչ կարծիք ունի Հանրային հեռուստաընկերության գործունեության վերաբերյալ՝ խորհրդի նոր նախագահի ընտրությունից ի վեր, վերջերս Հ1-ը շարունակ հայտնվում է քննադատությունների կիզակետում։ «Ես միանգամից չէի քննադատի, քանի որ այն, ինչ կատարվել էր այս վերջին 20 տարում Հանրային հեռուստատեսությունում, միանգամից փոխելն անհնարին է։ Ես հասկանում եմ, դա դժվար ճանապարհ է։ Կարող է մի քիչ դանդաղ տեմպերով են աշխատում, որովհետեւ ակնհայտ փոփոխություններ դեռ չկան։ Ես հուսով եմ, որ սեպտեմբերից ծրագրային նոր եթերաշրջան մտնելու հետ միասին ինչ-որ նորություններ մենք կտեսնենք։ Չգիտեմ՝ ես հույսեր ունեմ»,- պատասխանեց «Ա1+»-ի տնօրենը։

Հարցրինք՝ Հանրայինի լրատվական քաղաքականության մեջ նկատո՞ւմ է փոփոխություններ, նախկինում Հ1-ը մեղադրվում էր իշխանության խոսափողը լինելու մեջ։ «Նույնն է, բան չի փոխվել այդ առումով։ Ես էլի հույս ունեմ, որ սեպտեմբերին այդ ամենը կշտկվի, այնտեղ հիմա խմորումներ են գնում, ես հասկանում եմ եւ կարծում եմ՝ այդ ամենը պետք է որ շտկվի, որովհետեւ բոլորն էլ դա ակնհայտ հասկանում են»։

Մասնակցելո՞ւ են 2021 թվականին նախատեսվող վերգետնյա կապուղիների մրցույթին։ «Այո, անպայման մասնակցելու ենք, եւ միանշանակ հույս ունեմ, որ պետք է շարունակենք մեր աշխատանքը եթերում»։ 2002 թվականին, երբ «Ա1+»-ը զրկվեց կապուղուց, այդ կապուղին հանձնվեց «Կենտրոն» հեռուստաընկերությանը՝ պայքարը «Ա1+»-ի եւ «Կենտրոնի՞» միջեւ է լինելու։

«Ոչ, ընդհանուր մրցույթ է լինելու, այստեղ կապուղիների խնդիր չկա, որովհետեւ մուլտիպլեքսի ցանցային աշխատանքի մեջ այդպիսի խնդիր դրված չէ։ Ես կարծում եմ, որ այդպիսի խնդիրներ չեն առաջանա, եւ հույս ունեմ, որ ամեն ինչ բարեհաջող կանցկացվի»։ Մրցույթում հեռուստաընկերություններին ներկայացվում են պահանջներ, որ, օրինակ, պետք է եթերում ունենան մեծ մասամբ սեփական՝ հեղինակային հաղորդումներ, օտարալեզու ծրագրեր չլինեն եւ այլն։

Մովսեսյանն ասաց, որ արդեն մտածում են ծրագրերի ծավալը մեծացնելու մասին․ «Աշխատանքները երբեք չենք էլ դադարեցրել, շարունակվում են՝ իհարկե, քիչ ծավալով։ Հիմա երեւի արդեն պետք է մտածենք ծավալը մեծացնելու եւ ավելի լավ ու ավելի շատ հաղորդաշարեր պատրաստելու ուղղությամբ»։

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Չկա առանձին որևէ ուժ, որը կարող է այս իշխանությանը ստիպել հեռանալ, դա պետք է անել համախմբված. Արա Վարդանյան
Կասկած չունեմ, որ մենք ականատես ենք լինելու քաղաքական շատ լուրջ միավորումների...
«Գոլոս Արմենիի». Կարտոֆիլային ընդդիմություն
Այս շաբաթ մեզ կրկին վիճակված է դեժավյուի զգացողություն վերապրել. մարտ ամսից ի վեր՝ արդեն հինգերորդ անգամ...
«Դուխով» լինելը գլխարկ դնել չէ, ուժայինների հետևում թաքնված մարդկանց գլխին սարքել չէ. Արթուր Վանեցյան
Բազմաթիվ աններելի սխալ որոշումներն արժեցան ահռելի թվով կյանքեր։ Այս մասին ինստագրամի իր էջում գրել է Արթուր Վանեցյանը։
ԲՀԿ-ի, ՀՅԴ-ի, «Հայրենիք»-ի գործակցությունը ընթանում է ամենօրյա քննարկումների ռեժիմով․ Իվետա Տոնոյան
Մեկ տարի է` իշխանությունները լծված են եղել Սահմանադրական դատարանը բռնազավթելու և իրենց համար ցանկալի կազմով համալրելու աշխատանքներին...
Արտակարգ դրությունում հավաքների ազատության սահմանափակումը չի կարող լինել բացարձակ․ քննարկում՝ ՄԻՊ–ի մասնակցությամբ
Մարդու իրավունքների պաշտպան Արման Թաթոյանը քննարկման ժամանակ նշել էր, որ արտակարգ դրության ժամանակ ավելի մեծ է...
Ես երկար ժամանակ լռում էի, քանի որ չէի ցանկանում, որ մեր երկրում էլ ավելի վատթարանար իրավիճակը. Սերժ Սարգսյան
Քաոսն ու ագրեսին օրեցօր աճում էին՝ ուրախացնելով միայն մեր թշնամիներին...
Ամենաշատ