Ռուսաստանը մտահոգված է Հայաստանի եւ Ադրբեջանի սահմանին իրավիճակի սրմամբ եւ կանի ամեն ինչ էսկալացիան դադարեցնելու համար: Այս մասին հայտարարել է Դաշնության խորհրդի նախագահ Վալենտինա Մատվիենկոն, փոխանցում է ՏԱՍՍ-ը:
«Մենք շատ մտահոգված եւ անհանգստացած ենք այս իրավիճակի կապակցությամբ: Մենք կանենք ամեն ինչ՝ էսկալացիան դադարեցնելու, մարտական գործողությունները դադարեցնելու եվ ապա բանակցային գործընթացի շրջանակներում փոխընդունելի լուծումներ գտնելու համար: Իրավիճակն իսկապես շատ մտահոգիչ է»,- լրագրողներին ասել է Մատվիենկոն:
