News
Լրահոս
News
Կիրակի
Սեպտեմբեր 26
Տեսնել լրահոսը

Հ1-ի եթերում, պաշտպանության նախարարի նախկին տեղակալ, իշխող քաղաքացիական պայմանագրի ցուցակով ընտրություններին առաջադրված Գագիկ Մելքոնյանը խոսում է բանակի՝ քաղաքական գործընթացներին մասնակցելու անթույլատրելության մասին։ Այս մասին Facebook-ի իր էջում գրել է «Պատիվ ունեմ» դաշինքի անդամ Տիգրան Աբրահամյանը:

Նա, մասնավորապես, նշել է. «Սա այն նույն զինվորականն է, որ 2008-ի ընտրական գործընթացների ժամանակ ՊՆ փոխնախարար էր ու միացավ քաղաքական գործընթացներին։

Առհասարակ զավեշտի նմանվող հարցազրույց էր։ 5 րոպեի ընթացքում, այս պերսոնը նախ խոսում է այն մասին, որ Ադրբեջանը սահմանային բախումներով փորձում է պատերազմ վերսկսել, ապա հերքում լայնամասշտաբ գործողությունների հավանականությունը։

Մեղադրում ՌԴ-ին նոյեմբերի 9-ի եռակողմ փաստաթղթի դրույթների չկատարման, ՀԱՊԿ անգործության համար, ապա նշում, որ Հայաստանը պատրաստ է պատերազմին, որովհետև իր կողքին ՌԴ-ն է։

Վերջին պատերազմից, դրա մասնակիցներից խոսում է մի մարդ, ով ողջ պատերազմին թիկունքում «Հաղթում ենք» ոճի մեջ հայտարարություններ էր անում, ամեն օր հայտարարում մի քանի հարյուր ադրբեջանցիների ոչնչացման, «գետաշենների, շահումյանների» ազատագրման տեղեկատվական գծի մեջ հայտարարություններ հնչեցնում՝ պարզ ասած կեղծիքի տարածմամբ էր զբաղված։

Հանրությանն էլ ուզում է ապացուցել, որ իրենց դեպքում կապիտուլյանտ բնորոշումը ճիշտ չէ, որովհետև ՀՀ-ն չենք կորցրել, մեզ չեն թելադրում, թե ինչ անենք և ոնց անենք։

Այսինքն՝ Արցախի 75%-ի կորուստը իրենց համար էական չէ, նույնիսկ նոյեմբերի 9-ի փաստաթղթով չնախատեսված բնակավայրերի հանձնումը օրինաչափ էր։

Դեռ չեմ խոսում այն մասին, որ ՀՀ տարածքի Խոզնավար-Սոթք հատվածում ադրբեջանցիները մինչև 3.5 կմ ներթափանցում են ապահովել՝ օկուպացրել ՀՀ սուվերեն տարածքը։

Սրանց համար մարդկային զոհերը զրո արժեք ունեն։

Մի բան էլ. ասում է՝ դե թող ընդդիմությունը գա ասի, թե ոնց անենք, որտեղից սկսենք։ Դե ուրեմն թուղթ ու գրիչդ վերցրա ու արի, որպեսզի ասեմ, թե ինչ չեք արել, որ պետք է անեիք։

Այսքանով իհարկե Մելքոնյանի աբսուրդային մեկնաբանությունները չեն ավարտում։ Սա Սյունիքում տեղի ունեցող ձերբակալությունները հիմնավորում է նրանով, թե իբր Սյունիքը փորձել է անկախանալ Հայաստանից, իսկ իրենք կանխել են։

Մի խոսքով, ուրախ ժամանց եմ մաղթում նրանց, ովքեր նայելու են հարցազրույցը, իսկ մի բանում պետք է շնորհակալ լինենք Գագիկ Մելքոնյանին, որ նման հարցազրույցներով, իրենցից անկախ, ներկայացնում են իշխանության ու նրա ներկայացուցիչների իրական դեմքը»:

Տպել
Կարդացեք նաև
Ամբողջը
Ադրբեջանը ներխուժել է Հայաստանի տարածք․ նրանք կշարունակեն ագրեսիվ վարքագիծը, քանի դեռ հստակ ուղերձ չեն ստացել․ Մենենդես
ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը Եվրոպայի և Եվրասիայի հարցերով պետքարտուղարի տեղակալի...
Ադրբեջանական զինծառայողները հուլիսի 19-ի հանցավոր արարքներով խախտել են Տեղ համայնքի բնակիչների իրավունքները. Թաթոյան
Մասնավորապես, բողոքների և ահազանգերի հիման վրա ՀՀ մարդու իրավունքների պաշտպանի փաստահավաք աշխատանքները պարզել են հետևյալը…
Մի կարծեք, թե հենց այնպես կրակում են Երևան տանող դարպասներին. Սա արդեն Ադրբեջանի ձեռագիրը չէ, այլ Թուրքիայինը. Զաքարյան
Վերջերս, Երևանում Շառլ Միշելի հետ հանդիպման ժամանակ...
Ադրբեջանն ակնհայտորեն կոշտացրել է իր դիրքորոշումը և Հայաստանին տարածքային զիջումների նոր օրակարգ ներկայացրել.Աբրահամյան
Մտավախություն ունեմ, որ այս ամենը տեղավորվում է նոյեմբերի 9-ի ձեռք բերված պայմանավորվածության կատարման տրամաբանության մեջ...
«Երբ Երասխը չի կարող քնել, Երևանը նույնպես արթուն է մնում». Ֆրանսիայի դեսպանի գրառումը
Նա նաեւ ԵՄ դրոշներով լուսանկար է հրապարակել...
Արմեն Սարգսյանի հրամանագրով 3 տասնյակից ավելի զինծառայողները հետմահու պարգեւարտվել են
Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև...