News
Լրահոս
News
Ուրբաթ
Օգոստոս 14
USD
484.83
EUR
571.91
RUB
6.61
ME-USD
0.01
Տեսնել լրահոսը

Ֆրանսիայի Նիս (Նիցցա) քաղաքի նախկին հոգեւոր հովիվ, ներկայիս Ստրասբուրգի հոգեւոր հովիվ Տեր Վաչե քահանա Հայրապետյանը կապ է ունեցել Նիսում վերջին օրերին ձերբակալվածների հետ այնքանով, որ վերջիններս եկեղեցի հաճախող համայնքայիններից են եղել: Այս մասին ասվում է NEWS.am-ի հարցմանն ի պատասխան Ամենայն հայոց կաթողիկոսի մամլո խոսնակ Վահրամ քահանա Մելիքյանի բացատրության մեջ: Դրանում ասվում է, որ Տեր Վաչեին հանիրավի վերագրվում են տարատեսակ մեղադրանքներ:

Վահրամ քահանա Մելիքյանը հաստատում է Տեր Վաչեի ձերբակալության փաստը` նշելով, որ նրան  ազատ արձակելու փաստը «լավագույնս փաստում է, որ իրավապահ մարմինների կողմից իսկ հիմնավոր չեն նկատվել ներկայացվող մեղադրանքները եւ հերքվել են»: «Եզրակացությունը մեկն է. քահանային եւ Եկեղեցուն այպանելու եւ նսեմացնելու միջոցով որոշ անձեր փորձում են ապակողմնորոշել հանրությանը եւ շարունակել համայնքում իրենց քայքայիչ գործունեությունը»,-ասված է բացատրության մեջ:

Դրանում նշվում է նաեւ, որ մինչ Նիս մեկնելը Տ. Վաչե քահանան իր ծառայությունն է բերել Արարատյան հայրապետական թեմում, այնուհետեւ Գեւորգյան հոգեւոր ճեմարանում իբրեւ փոխտեսուչ:  Ապա Ամենայն Հայոց Կաթողիկոսի օրհնությամբ մեկնել է Միացյալ Նահանգներ, ուր եւ Հայրապետի գիտությամբ մնացել է շուրջ մեկ տարի եւ «իր ծառայության բոլոր հանգրվաններում դրսեւորել է պատասխանատվություն եւ կարգապահություն»: Տ. Վաչե քահանա Հայրապետյանը Նիսի հոգեւոր հովիվ նշանակվել է Կաթողիկոսի կողմից` Նիսի ծխական խորհրդի, մասնավորապես վերջինիս ատենապետ Զարեհ Մարտիրոսյանի եւ ներկայացուցիչ Գրիգոր Աժդերխանյանի` Վաչե քահանային Նիսում ծառայության կոչելու վերաբերյալ խնդրանքի հիման վրա: «Նշյալ անձինք ի դեպ ներկայիս քահանայի ընդդիմախոսներից են: Քահանան այս տարիների ընթացքում բարձր է գնահատվել եւ սիրված է եղել համայնքայինների`այդ թվում այսօրվա ընդդիմախոսների կողմից»,-ասված է բացատրության մեջ:

Քահանայի անձի նկատմամբ վերաբերմունքի փոփոխությունը, ըստ Տեր Վահրամ Մելիքյանի, տեղի է ունեցել այն ժամանակ, երբ Ֆրանսիայում սկզբնավորվեց թեմի ձեւավորման եւ ապա թեմի ծուխերում Թեմական-ծխական ուղենիշային կանոնադրության ներդրման գործընթացը:

«Այսօր Տ. Վաչե քահանա Հայրապետյանին առաջադրվող մեղադրանքերը բացարձակ աղերս չունեն իրականության հետ: Փորձ է արվում նաեւ ամբաստանել նրան` մեղադրելով տարբեր քրեական տարրերի հետ կապի մեջ եւ տարբեր միջոցներով խնդիրներ հարուցել յաչս Ֆրանսիայի իշխանությունների»,-ասված է Ամենայն Հայոց Կաթողիկոսի մամլո խոսնակի գրության մեջ:

Հիշեցնենք, որ Տեր Վաչեի անունը կապվում է Ֆրանսիայի Նիս  քաղաքում մայիսի 6-ին սպանված քրեական տարրեի իհետ: Նրանցից մեկը «օրենքով գաղ» հայազգի 39-ամյա Էդվարդ Մարգարյանն էր:

Ըստ տարբեր աղբյուրների, սպանության կասկածյալն ու սպանված հայազգի «օրենքով գողը» Տեր Վաչեի շրջապատից էր: Տեր Վաչեն, ըստ շրջանառվող լուրերի, երբ տարիներ առաջ Նիսում չեչեներից մեկի կողմից հայ է դանակահարվել, տեղի հայերին խորհուրդ է տվել վրեժխնդիր լինել։ Նրա խորհրդին հետեւելով` դանակահարվածը վրեժ է լուծել իրեն դանակահարողից: Նշվում է նաեւ, որ Տեր Վաչեն օգտագործում է եկեղեցու ներքեւի սրահը՝ այնտեղ կասկածելի մարդկանց հետ հավաքներ ու կերուխումներ կազմակերպելու  համար, որոնց ներկա են լինում նաեւ քրեական արարքներ թույլ տված մարդիկ:

Հիշեցնենք, որ Ֆրանսիայի ոստիկանությունը քրեական հանցակցության մեղադրանք էր առաջադրել Տեր Վաչեին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կրոպիվնիցկում հայկական եկեղեցին կանվանակոչեն ի պատիվ սրբերի դասին կարգված Շուշանիկ թագուհու
Քաղաքում առաջին հայկական եկեղեցին կկառուցվի Ինգուլ գետի ափին: Հողատարածքը գտնվում է Միխայլովսկի փողոցում եւ զբաղեցնում է 1100 քառ. մ...
Լիբանանի հայկական եկեղեցիներում պայթյունի հետևանքով զոհվածների հիշատակին հոգեհանգստի կարգ կմատուցվի
Առաջիկա կիրակի, օգոստոս 9-ին Լիբանանի Հայոց թեմի բոլոր եկեղեցիներում հոգեհանգստի կարգ կկատարվի` ի հիշատակ պայթյունի պատճառով զոհվածների...
Մեծի Տանն Կիլիկիո Արամ Առաջին կաթողիկոսը հանդես է եկել համազգային զորակցության կոչով
Մեր հայկական թաղամասերում շատ մեծ վնասներ կան, սակայն կարող ենք ասել, որ ամբողջությամբ շենքերի փլուզումներ չունենք...
Պայթյունի արդյունքում լիբանանահայությունը կանգնած է լուրջ դժվարությունների առջև. Պետրոս վրդ. Մանուէլյան
Լիբանանահայերը վերջին 7-8 ամիսներին ստիպված են դիմագրավել լուրջ քաղաքական, տնտեսական և ընկերային դժվարություններ...
Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ
Հեռավար հանդիպմանը մասնավոր անդրադարձ կատարվեց օրեր առաջ Հայրենիքում՝ Տավուշի մարզում, հայ-ադրբեջանական սահմանի վրա տեղ գտած ռազմական գործողություններին...
Այո՛, Արցախը, այո՛, Սփյուռքը շարունակությունն են Հայաստանի. Արամ Ա կաթողիկոս
Արամ Առաջին կաթողիկոսը իր ֆեյսբուքյան էջում գրառում է արել...