NASA-ն նոր մարսագնաց է թողարկել՝ «Պերսեվերանսը» (Perseverance՝ «համառություն»), հաղորդում է «Մեդուզա»-ն:
Ըստ առաքելության՝ այն պետք է վայրէջք կատարի Մարսի մակերեսի վրա 2021 թվականի փետրվարի 18-ին:
Առաքելության ընդհանուր ծախսերը գնահատվում են 2,1-2,7 մլրդ դոլար:
Մարսագնացը Մարսում կյանքի միկրոկենսաբանական ձեւերի գոյության նշաններ կփնտրի: Այն կհավաքի հողի նմուշները, ինչպես նաեւ կուսումնասիրի մոլորակի վրա կլիման ու եղանակը:
Բացի այդ, այն Մարս կտանի նյութերի նմուշներ, որոնցով ենթադրվում է սկաֆանդրներ ստեղծել Լուսնի եւ հետագայում նաեւ Մարսի մակերես մարդկանց վայրէջքի համար:
