Հանգստի անցած Պապ Բենեդիկտոս 16-րդը (Յոզեֆ Ռատցինգեր) ծանր հիվանդ է: Այս մասին երկուշաբթի հայտնել է գերմանական Passauer Neue Presse թերթը` վկայակոչելով նրա կենսագրագետ Փեթեր Զեեվալդային:
Ըստ թերթի` 93-ամյա Բենեդիկտոս XVI մոտ դեմքի կարմիր քամու բորբոքում է ախտորոշվել` սուր հիվանդություն, որն արտահայտվում է մաշկի կարմրությամբ եւ ուղեկցվում է ընդհանուր ինտոկսիկացմամբ եւ ջերմության բարձրացմամբ: Գրող Զեեւալդը տեսնվել էր պատվավոր պապի հետ անցած շաբաթ օրը եւ նրան փոխանցել էր վերջերս հրապարակված կենսագրությունը:
Հեղինակը նշել է, որ Բենեդիկտոս XVI- ը, չնայած իր հիվանդությանը, լավատեսորեն էր տրամադրված եւ նույնիսկ հայտարարել էր, որ հենց առողջական վիճակը թույլ տա, «կրկին գրիչը ձեռքը կվերցնի»: Միեւնույն ժամանակ, ըստ կենսագրագետի, պապը շատ թույլ էր, փոխանցում է ՏԱՍՍ-ը:
Պատվավոր պապը հունիսին մեկնել էր Ռեգնսբուրգ Բավարիայում (Գերմանիա)` ավագ եղբորը` Գեորգին այցելելու համար, ով այցից հետո որոշ ժամանակ անց մահացավ 96 տարեկան հասակում ծանր հիվանդությունից հետո:
Ըստ Զեեւալդի` Բենեդիկտոս XVI արդեն կազմել է կտակը, որը պետք է հրապարակվի նրա մահից հետո: Որպես իր ապագա թաղման վայր` նա հաստատել է Սուրբ Հովհաննես Պողոս Երկրորդի նախկին գերեզմանը Սուրբ Պետրոս գերեզմանատան մեջ:
