News
Լրահոս
News
Ուրբաթ
Ապրիլ 26
Տեսնել լրահոսը

Ոստիկանության գնդապետ Սայաթ Շիրինյանը կասկածելի եւ ծիծաղելի է համարում Անվտանգության խորհրդի քարտուղար Արմեն Գրիգորյանի այն հայտարարությունը, թե հուլիսյան իրադարձությունները ղեկավարել եւ համակարգել է վարչապետ Նիկոլ Փաշինյանը:

Այսօր՝ օգոստոսի 3-ին, լրագրողների հետ հանդիպմանը Սայաթ Շիրինյանն ընդգծեց, որ շատ լավ է եղել, որ Փաշինյանը որեւէ մասնակցություն չի ունեցել:

«Նրանք որ գերատեսչությունում փորձեցին ակտիվություն ցուցաբերել, այդ գերատեսչության աշխատանքները կամ կազմալուծվել են, կամ ամբողջությամբ կազմաքանդվել են»,- նկատեց ոստիկանության գնդապետը:

Անդրադառնալով հայ-ադրբեջանական սահմանային լարվածությունից հետո արտերկրում հայերի եւ ադրբեջանցիների միջեւ տեղի ունեցած միջադեպերին՝ Շիրինյանը վստահեցրեց, որ այդ օրերին հենց մեծ դերակատարում պետք է ունենային ՀՀ իշխանությունները, մինչդեռ նրանք այս լարվածությունը թոթափելու համար ոչինչ չարեցին: Շիրինյանը հիշեցրեց, որ Ռուսաստանի Դաշնությունում հարցը լուծվեց միայն մեր հայրենակիցների հեղինակության և կապերի շնորհիվ. «Դա բնականաբար Ադրբեջանի կողմից ձեռնարկված սադրանք էր, բայց այնուամենայնիվ, կարծում եմ՝ մեր իշխանությունները պետք է շատ հրատապ քայլեր ձեռնարկեին: Նիկոլ Փաշինյանն ու մնացած գերատեսչության ղեկավարները պարտավոր էին անմիջապես օպերատիվ կապ հաստատելու իրենց գործընկերների հետ, որ շատ արագ հնարավոր լիներ կանխել այդ լարվածությունը, քանի որ որևէ մեկը չէր կարող երաշխավորել, որ սա ավելի մեծ մասշտաբների ծավալներ չի ընդգրկի, ինչի հետևանքով կունենայինք հարյուրավոր, կամ հազարավոր կորուստներ, բայց ինչպես ասում են՝ մեր վարչապետը այդպես էլ ՌԴ նախագահին չզանգահարեց»:

Շիրինյանի խոսքով, հուլիսյան իրադարձությունների ժամանակ, երբ ՌԴ-ում անվտանգության խորհրդի նիստ էր գումարվել, Հայաստանից որևէ զանգ չի եղել, ինչի հետևանքով այնտեղից էլ եղավ արհամարհանք. «Այդ նույն բարձրաստիճան ղեկավարները, երբ քննարկում էին հարավ-կովկասյան տարածաշրջանի անվտանգության խնդիրները և բացարձակապես զրոյական վերաբերմունք դրսևորվեց Հայաստանի իշխանությունների նկատմամբ: Իսկ ո՞ւր մնացին այն հայտարարությունները, որ ասում էիք՝ հայ-ռուսական հարաբերությունները աննախադեպ բարձր մակարդակի վրա են, ո՞ւր մնացին այդ փոխհարաբերությունները: Սա ևս մեկ անգամ ապացուցում է, որ դուք տեղում չեք, պարոնայք իշխանավորներ»:

Ինչ վերաբերում է ՀՀ երկրորդ նախագահ Ռոբերտ Քոչարյանի վերջին հարցազրույցին, ոստիկանության գնդապետը նշեց, որ այն իր մեջ ներառում էր կառուցողական լուրջ վերլուծություն եւ վաղուց էր սպասված այդպիսի ազգային, պետական լուրջ քաղաքական գործչի շատ ազդեցիկ խոսքը. «Խելացի մարդիկ հասկացան, որ նա ցույց տվեց նաև լուծման ճանապարհ: Այդ խոսքն ուղղված էր խելացի մարդկանց, ովքեր Հայաստանի ներկա իրավիճակով մտահոգված են»:

Շիրինյանը նշեց, որ Քոչարյանի ելույթին բովանդակային պատասխան տալու փոխարեն, հնչած արձագանքները անձնական վիրավորանքի դաշտում էին: Մասնավորապես, նա հռետորական հարց ուղղեց Արամ Զավենի Սարգսյանին, որն այդ հարցազրույցից հետո հայտարարել էր, թե Ռոբերտ Քոչարյանը չի համբուրել իրեն մոտեցված խաչը. «Այն որ Ձեր ընտանիքում Տիգրան Նաղդալյանի սպանության պատվեր իջեցնելու հարցն էիք քննարկում, պատվեր իջեցնելուց առա՞ջ գնացիք խաչը համբուրելու, թե՝ դրանից հետո»:

Տպել
Կարդացեք նաև
Ամբողջը
Ադրբեջանը, հին ավանդույթի համաձայն, թաքցրել է մարտական կորուստները եւ դրանք ներկայացրել որպես դժբախտ դեպքեր
Ադրբեջանը դարձյալ թաքցրել է մարտական կորուստները...
Դե ուրեմն թուղթ ու գրիչդ վերցրա ու արի, որպեսզի ասեմ, թե ինչ չեք արել, որ պետք է անեիք. Տիգրան Աբրահամյան
Առհասարակ զավեշտի նմանվող հարցազրույց էր։ 5 րոպեի ընթացքում, այս պերսոնը նախ խոսում է այն մասին, որ Ադրբեջանը սահմանային...
Ադրբեջանը ներխուժել է Հայաստանի տարածք․ նրանք կշարունակեն ագրեսիվ վարքագիծը, քանի դեռ հստակ ուղերձ չեն ստացել․ Մենենդես
ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը Եվրոպայի և Եվրասիայի հարցերով պետքարտուղարի տեղակալի...
Ադրբեջանական զինծառայողները հուլիսի 19-ի հանցավոր արարքներով խախտել են Տեղ համայնքի բնակիչների իրավունքները. Թաթոյան
Մասնավորապես, բողոքների և ահազանգերի հիման վրա ՀՀ մարդու իրավունքների պաշտպանի փաստահավաք աշխատանքները պարզել են հետևյալը…
Մի կարծեք, թե հենց այնպես կրակում են Երևան տանող դարպասներին. Սա արդեն Ադրբեջանի ձեռագիրը չէ, այլ Թուրքիայինը. Զաքարյան
Վերջերս, Երևանում Շառլ Միշելի հետ հանդիպման ժամանակ...
Ադրբեջանն ակնհայտորեն կոշտացրել է իր դիրքորոշումը և Հայաստանին տարածքային զիջումների նոր օրակարգ ներկայացրել.Աբրահամյան
Մտավախություն ունեմ, որ այս ամենը տեղավորվում է նոյեմբերի 9-ի ձեռք բերված պայմանավորվածության կատարման տրամաբանության մեջ...
Ամենաշատ