News
Լրահոս
News
Երեքշաբթի
Սեպտեմբեր 22
USD
485.29
EUR
569.58
RUB
6.39
ME-USD
0.01
Տեսնել լրահոսը

Հայաստանի և Արցախի սահմանների շուրջ և հայկական ողջ սփյուռքում ծավալվող վերջին ահաբեկչական իրադարձությունները մեր պետության առջև լրջագույն մարտահրավերներ են ստեղծել, որոնց հանգուցալուծումը պահանջում է ուժերի համահայկական կենտրոնացում, թիրախների հավասարակշռված ընտրություն և գործողությունների հստակ ծրագիր մերձակա և հեռակա ժամանակահատվածներում: Այդ մասին ասվում է «Ժառանգություն» կուսակցության վարչության հայտարարությունում:

«Այս համապատկերում «Ժառանգություն» կուսակցությունն կարևորում է ռազմական մակարդակում Հայաստանի արձանագրած անդարձ առաջընթացը, մեր զինուժի, պետական պաշտպանունակության բարձր մակարդակի տարածաշրջանային և միջազգային հաստատումը, որին պետք է հաջորդի արտաքին քաղաքական ոլորտում նույնքան ազդեցիկ գործողությունների ծավալումը:

Ակներև է, որ մեր տարածաշրջանում խաղաղության և կայուն զարգացման սպառնալիք են հանդիսանում ոչ միայն Ադրբեջանը, այլև՝ Թուրքիան, որի ծավալապաշտական և գերակայության ձգտող քայլերը հակասում են Հայաստանի և բոլոր այն պետությունների շահերին, որոնք շահագրգռված են ժողովուրդների խաղաղ համակեցությամբ: Մոտ 100 տարի է անցել Օսմանյան կայսրության փլուզումից, և այսօր արդեն Էրդողանի գլխավորած Թուրքիան փորձում է վերականգնել և ընդլայնել օսմանյան ժամանակաշրջանի սահմանները՝ իր ռազմական գերակայությունը հաստատելով տարբեր տարածաշրջաններում, այդ թվում Հարավային Կովկասում:

«Ժառանգություն»-ը համոզված է, որ Հայաստանի ի զորու է դառնալ մեր տարածաշրջանում կայունության և խաղաղության երաշխավոր, մեր պետությունը պատրաստ է աներկբա պաշտպանելու միջազգային նշանակություն ունեցող հաղորդակցության ուղիների, գազամուղների ու նավթատարների, էներգետիկ հանգույցների անվտանգությունը, խաղաղ բնակչության կենսագործունեությունը, այնինչ Ադրբեջանն արդեն դրսևորեց իր ահաբեկչական քաղաքականությունը՝ Մեծամորի ատոմակայանի ոչնչացման պետական սպառնալիքով:

Բազմաբևեռ դարձող աշխարհակարգում Հայաստանը պետք է վերահաստատի իր դաշնակցությունն այն պետությունների հետ, որոնց շահերն առկա են մեր տարածաշրջանում, դա ամենից առաջ Մինսկի եռանախագահության անդամներն են՝ Ռուսաստանը, ԱՄՆ-ը և Ֆրանսիան, ինչպես նաև Իրանը, Վրաստանը, Չինաստանը և Եվրամիությունն ընդհանրապես:

Առանձնահատուկ է Ռուսաստանի հետ պատմական հարաբերությունների բնույթը, որը փոխլրացնող վերամեկնարկի կարիք ունի: Շուտով կլրանա Մոսկվայի և Կարսի խնդրահարույց պայմանագրերի կնքման 100-ամյակը: Այսպիսով օրակարգում է հայտնվում Հայաստանի և հայության իրավունքների վերականգնման, այդ թվում սահմանների դե յուրե ճշգրտման հարցը, և թուրանականության ընդհանուր այս սպառնալիքի պայմաններում Մոսկվան հնարավորություն ունի խմբագրելու ՌՍՖՍՀ գործած սխալները հանուն համապարփակ անվտանգության: Այս քայլը կբխի նաև տարածաշրջանային նոր կայունության հաստատման Արևելքի և Արևմուտքի հիմնական գործընկերների շահերից»,- նշվում է հայտարարությունում:

Տպել
Կարդացեք նաև
Ամբողջը
ԿԽՄԿ ներկայացուցիչները այցելել են Ադրբեջանում ձերբակալված Հայաստանի քաղաքացիներին
Կարմիր խաչի ներկայացուցիչներն այցի ժամանակ ստուգել են նրանց պահման…
Փաշինյանն ու Ալիևը գործարք են կնքել Հայ ժողովրդի և Հայկական պետության թիկունքում. Ղազինյան
Գործարքը փոխադարձ շահավետ էր. Ալիևին պետք էր ամրացնել իր դիրքերը սահմանին, իսկ Փաշինյանին՝ ամրացնել իր դիրքերը Հայաստանում...
Ոչ թե Ադրբեջանն է Ղարաբաղ ուզում, այլ Ադրբեջանն ու Թուրքիան ուզում են Հայաստանն ու Ղարաբաղը. Աշոտյան
Ալիեւի հայտարարությունների հետեւում հստակ երեւում են տանկերն ու թնդանոթները...
Կա՛մ հակամարտությունը կլուծվի ՀՀ, Արցախի և Ադրբեջանի ժողովուրդների համար ընդունելի տարբերակով, կա՛մ չի լուծվի. Ռուբինյան
Հայաստանը մշտապես հանդես է եկել կառուցողական դիրքորոշումներով և հայտարարություններով՝ միտված խաղաղ գործընթացի ամրապնդմանը...
Չի կարող լինել այնպիսի իշխանություն, որը կգնա ղարաբաղյան հիմնահարցի անբարենպաստ լուծման․ «Լուսավոր Հայաստան»
Հայաստանում Ղարաբաղի հարցը քաղաքական առումով մշտապես եղել է քննարկումների եւ մանիպուլյացիաների թեմա․․․
Առաջին անգամ ՀԱԷԿ-ին ուղղված սպառնալիքը գալիս է ոչ թե ահաբեկչական կառույցից, այլ պետության անունից. Պապիկյանը՝ ԱԵՄԳ-ում
Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովի 64-րդ նստաշրջանում...