«Քաղաքացիական գիտակցություն» ՀԿ նախագահ Նարեկ Սամսոնյանին կարմիր բերետավորները տարել են Արաբկիրի բաժին։ Այս մասին հայտնեց իրավապաշտպան Ռուբեն Մելիքյանը։
«Ապօրինի ձերբակալեցին Նարեկ Սամսոնյանին։ Կարմիր բերետավորները եկան եւ թեւերը մտնելով Նարեկ Սամսոնյանին մտցրեցին իրենք մեքենան։ Հարցրի՝ արդյոք քաղաքացին ձերբակալվա՞ծ է, եթե այո, ապա՝ ի՞նչ հիմքով է անձը զրկվում ազատությունից, ինձ պարզաբանեցին, որ հրավիրվում է Ոստիկանություն։ Ես չհասկացա՝ այդ հրավերն ընդունվե՞ց, թե՞ ոչ, սովորաբար, հրավեր ուղարկելիս ոստիկանները թեւերը չեն մտնում մարդու»,- ֆեյսբուքյան լայվով ասաց Մելիքյանը։
Ավելի վաղ Նարեկ Սամսոնյանը ֆեյսբուքյան լայվով հայտնում էր, որ իր ու ոստիկանի միջեւ վիճաբանություն է սկսվել. ոստիկանները փակել էին իր ճանապարհը։
