Հինգշաբթի իսրայելական բանակը մի շարք հարվածներ է հասցրել «ՀԱՄԱՍ»-ի ռազմական օբյեկտների ուղղությամբ Գազայի հատվածում:
Ռազմական գերատեսչության հաղորդագրութնա մեջ նշվում է, որ հարձակումն իրականացվել է ի պատասխան պայթուցիկներով փուչիկների արձակմանն Իսրայելի կողմը, փոխանցում է ՄԿ-ն:
Գազայի հատվածի ուղղությամբ հարվածներ են հասցրել իսրայելական ռմբակոծիչները, ուղղաթիռները եւ տանկերը: «ՑԱԽԱԼ»-ը պնդում է, որ տուժել են «ՀԱՄԱՍ»-ի ռազմածովային ուժերի օբյեկտները, ստորգետնյա թունելների ենթակառուցվածքը եւ հակառակորդի դիտակետերը:
Օգոստոսի 11-ին Իսրայելը փակել էր Գազայի հատվածի հետ սահմանին գտնվող «Քերեմ-Շալոմ» բեռնափոխադրման անցումը: Օգոստոսի 12-ին Իսրայելի պաշտպանության նախարար Բենի Հանցը հրամայել էր 28-ից 15 կմ կրճատել ծովափնյա անկլավի ափերի ձկնորսական գոտին պաղեստինցիների համար:
Այս քայլերը պատասխան միջոցառումներ են պայթուցիկներով փուչիկների արձակմանը: «Վտանգավոր փուչիկները» Իսրայելում մի քանի հրդեհի պատճառ են դարձել, զոհերի մասին չի հաղորդվել: