News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Հաշվի առնելով ներկայիս միտումները` 2020 թվականին տնտեսական անկումը Հայաստանում կարող է մոտ 5 տոկոս կազմել, միգուցե` մի փոքր ավել: Այս մասին այսօր` օգոստոսի 14-ին, մամուլի ասուլիսին հայտարարեց էկոնոմիկայի նախարար Տիգրան Խաչատրյանը: Նախարարը շեշտեց, որ նշված 5 տոկոսը փորձագիտական է, այլ ոչ թե` պաշտոնական գնահատական, եւ այն կարող է փոխվել: «Գնահատականները կարող են տարբեր լինել, սակայն այդ գնահատականները եւս փոխվում են, որովհետեւ իրավիճակն անընդհատ փոխվում է ամբողջ աշխարհում»,- հայտարարել է Խաչատրյանը:

Ներկայացնելով, թե ինչի վրա է հիմնվում տնտեսական հնարավոր անկման հաշվարկը` Խաչատրյանը տեղեկացրեց, որ ՀՆԱ-ի մոտ 40 տոկոսն արտադրվում է տարվա առաջին կիսամյակում, մնացած 60 տոկոսը` երկրորդում: «Եթե տարվա առաջին կիսամյակում գրանցված տնտեսական գործունեության ցուցանիշները ճշգրտորեն անցնեն ՀՆԱ-ի ցուցանիշների, ապա տարեկան կտրվածքով տարվա առաջին կիսամյակի ՀՆԱ աճի ցուցանիշները 2 տոկոսային կետով ցածր կլինեն, քան 2019-ին»,- ասաց Խաչատրյանը: Նա հավելեց, որ եթե հունիս ամսվա ցուցանիշները մնան անփոփոխ հուլիսին եւ հետագա ամիսներին իրավիճակի բարելավման պայմանով, ապա տարվա երկրորդ կիսամյակում ՀՆԱ-ի անկումը 3-4 տոկոս կկազմի:

«Տնտեսությունը փոխվում է, եւ մենք հույս ունենք, որ երրորդ-չորրորդ եռամսյակում երկրորդ եռամսյակի ցուցանիշների համեմատ որոշակի առաջընթաց կգրանցվի: Բայց ես չեմ բացառում, որ Հայաստանում տնտեսական անկումը 2019 թվականի համեմատ մոտ 5 տոկոս կկազմի»,- ասաց Խաչատրյանը: Ըստ նրա` 5 տոկոս անկումը համահունչ է համաշխարհային տնտեսական միտումներին: Ընդհանուր առմամբ, համաշխարհային տնտեսության համար կանխատեսվում է 6 տոկոս անկում, նշեց նա` հավելելով, որ 2021 թվականը կլինի վերականգնման հիմնական տարին:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Անկում՝ կորոնավիրուսի հնարավոր երկրորդ ալիքից առաջ. Արա Գալոյան
Ու իրավիճակին լրիվ համահունչ հրապարակվեցին մեր երկրի սոցիալ -տնտեսական վիճակը բնութագրող այս տարվա հունվար-օգոստոսի հիմնական մակրոտնտեսական ցուցանիշները…
«Ժողովուրդ». Բնակարանային շուկան Հայաստանում պասիվացել է. գործարքները նվազել են
Օգոստոսին մայրաքաղաքում վաճառվել է ընդամենը 735 բնակարան։ Սա 272-ով պակաս է նախորդ տարվանից...
«Հրապարակ». Սկանդալային առաջարկ. ՀԴՄ կտրոն չվերցնողներն էլ կպատժվեն
Եթե քաղաքացին իմանա, որ 10 անգամից կամ 100 անգամից մեկ անգամը բռնվելու է, ապա ինչո՞ւ պիտի անընդհատ նման անհանգստության մեջ ապրի՝ ամեն անգամ կվերցնի...
Ո՞ր ակտիվներում է ավելի շահավետ պահել կապիտալը ներկայիս ճգնաժամի ընթացքում
Աշխարհում կա նաեւ որոշակի հետաքրքրություն անշարժ գույքի նկատմամբ...
Վարկային արձակուրդները եւ համաներումները Հայաստանում հնարավոր են. փորձագետը նշել է լուծման ուղիները
«Վարկային համաներումը բոլոր ուղղություններով եւ ամբողջությամբ` որպես պերմանենտ ​​միջոց, իհարկե անհնար է...
Տնտեսական անկման պայմաններում իշխող ուժը թվանկարչությամբ սխալ ազդակներ է տալիս բիզնեսին եւ ազգաբնակչությանը. Պարսյան
Եվ այսպես՝ 2020 թվականի հունվար-օգոստոս ամիսներին նախորդ տարվա նույն ժամանակահատվածի համեմատ տնտեսական…