ՀՀ պաշտպանության նախարարության և Ռուսաստանի Միավորված ավիաշինարարական ընկերության միջև օգոստոսի 23-ին ստորագրվել է Սու-25-ի արդիականացման և վերանորոգման պայմանագիր։ Պայմանագիրը կնքվել է «Պատրիոտ» կոնգրես-ցուցահանդեսային կենտրոնում՝ «Բանակ-2020» միջազգային ռազմատեխնիկական համաժողովի շրջանակներում:
Փաստաթուղթը ստորագրել են ՀՀ պաշտպանության նախարարի տեղակալ Մակար Ղամբարյանը և «Միավորված ավիաշինարարական ընկերություն» ՀԲԸ գլխավոր տնօրենի վաճառքի և մարքեթինգի գծով տեղակալ Իլյա Տարասենկոն:
Ստորագրման արաողությանը մասնակցել են Հայաստանի պաշտպանության նախարար Դավիթ Տոնոյանը եւ ՌԴ-ում Հայաստանի դեսպան Վարդան Տողանյանը։
«Բանակ-2020»-ի ընթացքում կնքված պայմանագիրը հաստատում է ավիատեխնիկայի արդիականացման և ավելի վաղ թողարկված ինքնաթիռների ամբողջական կենսական ցիկլի պահպանման Միավորված ավիաշինարարական ընկերության իրավասությունը:
Բացման արարողությունից անմիջապես հետո Տոնոյանը զրուցել է բանակային խաղերի հայ մասնակիցների եւ հրամանատարների հետ, մրցույթներում նրանց հաջողություններ մաղթել։
