Նոր ուսումնասիրության տվյալներով՝ Սան Ֆրանցիսկոյի ամայացած փողոցները պատճառ են դարձել, որ քաղաքի թռչուններն ավելի հանգիստ երգեն եւ բարելավեն իրենց ձայնային տիրույթը՝ զույգ գրավելու համար, գրում է Americaru-ն:
Ավելի ու ավելի շատ ուսումնասիրություններ են ցույց տալիս, թե ինչպես էին տարբեր կենդանիներ՝ կետերից, կոյոտներից մինչ ճնճղուկներ, հարմարեցնում իրենց վարքը COVID-19-ի ընթացքում տիրող լռությանը, որն «անտրոպաուզա» են անվանել։
«Երբ քաղաքում աղմկոտ էր, թռչունները շատ բարձր էին երգում: Նրանք հիմա ավելի հանգիստ ու մեղեդային են երգում»,- ասում է Թենեսիի համալսարանի վարքագծային էկոլոգ Էլիզաբեթ Դերիբերին, ով ղեկավարել է Science-ում հրապարակված հետազոտությունը:
Երբ գարնանը դադարեց տրանսպորտի երթեւեկությունը, կանգնեց շինարարությունն ու արտադրությունը, աղմուկի մակարդակը նվազեց 50 տոկոսով, ասել է նա: Սա թույլ տվեց ճնճղուկներին ավելի հանգիստ երգել եւ ավելի ցածր նոտաներով, ինչը, իր հերթին, ընդլայնեց նրանց ձայնային տիրույթն ու ավելացրեց բազմացումը:
