News
Լրահոս
News
Երկուշաբթի
Հոկտեմբեր 26
USD
494.01
EUR
585.25
RUB
6.47
ME-USD
0.01
Տեսնել լրահոսը

Շփման գծում իրավիճակի լուրջ սրման եւ երկրում ռազմական դրություն հայտարարելու հետ կապված՝ Հայաստանի կառավարությունը որոշեց մասնակի մոբիլիզացիա իրականացնել: Այս մասին վարչապետ Նիկոլ Փաշինյանը հայտարարեց Ազգային ժողովի արտահերթ նիստում` երկրում ռազմական դրություն հայտարարելու եւ ընդհանուր զորահավաք անցկացնելու հարցի քննարկման ժամանակ:

Նրա խոսքերով՝ դեռեւս լայնամասշտաբ մոբիլիզացիայի անհրաժեշտություն չկա:

«Մենք որոշեցինք իրավիճակին արձագանքել անհապաղ եւ ըստ անհրաժեշտության: Տեղեկացնեմ նաեւ, որ մարտեր են մղվում շփման գծի ողջ երկայնքով, հատկապես Լեռնային Ղարաբաղի Հանրապետության հյուսիսարեւելյան եւ հարավարեւելյան ուղղություններում: Իրավիճակը լարված է: Ես, իհարկե, հասկանում եմ, որ մեզ բոլորիս մանրամասներ են հետաքրքրում: Ցավոք, մենք ունենք զոհեր: Քանի որ սկզբնական շրջանում հարվածներ են հասցվել նաեւ քաղաքացիական օբյեկտներին, զոհեր կան ոչ միայն զինվորականների, այլ նաեւ խաղաղ բնակիչների շրջանում: Հարվածի է ենթարկվել նաեւ ԼՂՀ մայրաքաղաք Ստեփանակերտը, ինչպես նաեւ այլ բնակավայրեր: Պաշտպանության բանակը կատարում է իր առջեւ դրված խնդիրները՝ ադրբեջանական հարձակումը եւ ագրեսիան դադարեցնելու նպատակով»,- ընդգծեց Փաշինյանը:

Նշենք, որ Հայաստանի կառավարության որոշմամբ`հանրապետությունում արդեն հայտարարվել է ռազմական դրություն եւ ընդհանուր զորահավաք: Ազգային ժողովին մնում է միայն քննարկել այս հարցը, բայց օրենսդիր մարմինը չի կարող որեւէ որոշում կայացնել այս հարցի վերաբերյալ:

Հիշեցնենք, որ կիրակի օրը Ադրբեջանի զինված ուժերը, կոպտորեն խախտելով միջազգային մարդասիրական իրավունքի գործող նորմերը եւ հակամարտության լուծման խաղաղ բանակցային գործընթացի տրամաբանությունը, օգտագործելով հրթիռահրետանային միջոցներ եւ ավիացիա, շփման գծի ողջ երկայնքով անցել են հարձակման՝ թիրախավորելով Ղարաբաղի ՊԲ մարտական դիրքերը եւ խաղաղ բնակավայրերը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ն պետք է շարունակի ճնշում գործադրել Ալիեւի եւ Էրդողանի վրա, որպեսզի վերջ դնի այս պատերազմին. Ադամ Շիֆ
Երեկ ես խոսել եմ ՀՀ արտգործնախարար Զոհրաբ Մնացականյանի հետ Արցախում հրադադարի ապահովման ջանքերի…
Տիգրանակերտ. արքայից արքայի քաղաքն առաջին պատերազմի ժամանակ ազատագրվել է, այս անգամ կտոնի նոր հաղթանակը. Վ. Պողոսյան
Այս պատմական ժամանակահատվածում, սա, իրապես, մեր վերջին պատերազմն է, որը համազգային ջանքերով պարտավոր ենք կրկին հաղթելու…
Wargonzo․ Սիրիայում տեղի է ունեցել Արցախի աջակցության մեծածավալ ակցիա
Համերաշխություն հայտնելու Արցախի ժողովրդին եւ միջազգային ահաբեկության դեմ նրա պայքարին․․․
Ժամը 08.00-ից հետո Արցախի խաղաղ բնակավայրերում համեմատաբար հանգիստ է. Արցախի ԱԻՊԾ
Հանրապետության բնակավայրերում մինչ այս ժամը պահպանվում է հումանիտար հրադադարի ռեժիմը...
Ադրբեջանը հումանիտար հրադադարի մասին պայմանավորվածությունը կոպտորեն խախտեց նաև երրորդ անգամ. Վահրամ Պողոսյան
Ողջ քաղաքակիրթ մարդկության նկատմամբ Ալիևի վարչակարգի ցուցաբերած այս բացահայտ լկտի պահվածքի վերաբերյալ համապատասխան հետևություններ դեռ կարվեն, բայց այսօր մեր բոլորիս խնդիրն է պաշտպանել Հայրենիքը թուրք-ոսոխից...
«Ցանկացած սպառնալիք, որը կխախտի մեր ժողովրդի անդորրը, կհանդիպի պատասխան միջոցառումների»․ԻՀՊԿ-ի հրամանատար
Նա ընդգծել է, որ Իրանի «Իսլամական հեղափոխության պահապանների կորպուսի» ուժերը տեղակայվել են Իրանի հյուսիս-արեւմտյան սահմաններին, երկրի այդ տարածքները պաշտպանելու համար...
Ամենաշատ