News
Լրահոս
News
Երկուշաբթի
Հոկտեմբեր 26
USD
494.01
EUR
585.25
RUB
6.47
ME-USD
0.01
Տեսնել լրահոսը

Սկսվել է պատերազմ, որն արցախա-ադրբեջանականից տարածաշրջանայինի վերածվելու տեսանելի լիցքեր ունի: 100 տարվա ընդմիջումից հետո առաջին անգամ դրված է մեր ազգային լինելության խնդիրը. եւ սա չափազանցություն չէ: Այս մասին հայտարարություն են տարածել Պահպանողական կուսակցությունն ու «Ժողովրդավարական հայրենիք» կուսակցությունը:

Հայտարարությունում նաեւ ասվում է.

«Հայ ժողովրդի եւ հայ պետականության համար նույնությամբ կրկնվում է 1920 թ. սեպտեմբեր-հոկտեմբերը, եւ որպեսզի նույնությամբ չկրկնվի նաեւ 1920 թ. դեկտեմբերի Ալեքսանդրապոլյան խայտառակ հանգուցալուծումն ու 1921թ. Կարսի հակահայ պայմանագիրը՝

1. Հայաստանի եւ Արցախի քաղաքացիներս ռազմական դրությամբ պայմանավորված՝ պարտավոր ենք աներկբա ու անթերի ենթարկվել եւ կատարել Գերագույն գլխավոր հրամանատարի եւ ՀՀ Զինված ուժերի հրամանատարության հրահանգները:

2. ՀՀ իշխանությունները պարտավոր են սառեցնել խաղաղ պայմաններին հարիր ներպետական գործընթացները՝ դրանք տեղափոխելով ռազմական ժամանակների տրամաբանության մեջ:

3. Ռազմական դրության ղեկավարությանը հաստատակամորեն առաջարկում ենք թվային ժամանակների նոր տրամաբանության այս պատերազմում մտավոր ներուժի արդյունավետ համախմբման, դասակարգման եւ հասցեավորված կիրառման անհապաղ միջոցառումներ ձեռնարկել:

4. Թեեւ ներկա խառնակ ժամանակներում անիմաստ է հուսալ միջազգային հանրության արդարամիտ որեւէ միջամտություն, այնուամենայնիվ, դիմում ենք ՆԱՏՕ-ին, որպեսզի տեսչական հսկողություն սահմանի թուրքական զինուժի նկատմամբ, ինչը զլացավ անել թուրք-ադրբեջանական վերջին «զորավարժությունների» ժամանակ:

5. Ընդունելով հանդերձ, որ ԱՄՆ հիմնական ուշադրությունը կենտրոնացած է առաջիկա նախագահական ընտրություններին, դիմում ենք մեր անկախությունից ի վեր Հայաստանի ջերմեռանդ բարեկամին՝ չմոռանալ Նախագահ Վիլսոնի ժամանակներից իր ստանձնած արդար պարտավորության մասին եւ ասել իր վճռորոշ խոսքը:

6. Ըմբռնումով մոտենալով մեր երկրի ռազմավարական դաշնակից Ռուսաստանի ներկա դժվարին վիճակին՝ դիմում ենք ՌԴ ղեկավարությանը՝ չկրկնել 1921թ. ճակատագրական սխալը, որը ոչ միայն ներկա արյունալի պատերազմի պատճառն է, այլեւ հենց Ռուսաստանի կովկասյան քաղաքականության՝ ճգնաժամի մեջ հայտնվելու պատճառը. ակնկալում ենք, որ Ռուսաստանը կշտկի իր 100-ամյա սխալն ու կկատարի երկուստեք կենսական իր դաշնակցային պարտավորությունը:

7. Դիմում ենք Ադրբեջանի թալիշ եւ լեզգի ժողովուրդներին՝ հորդորելով ոչ միայն զենք չբարձրացնել տարածաշրջանում ժողովրդավարության տարածող եւ ջահակիր հայկական կողմի դեմ, այլեւ այդ զենքը, հանուն իրենց իսկ ազգային ազատագրության եւ ժողովրդավարության՝ շրջել ալիեւյան կլանի եւ նրա հովանավոր թուրքական վարձկանների դեմ:

Տպել
Կարդացեք նաև
Ամբողջը
Թրամփը շնորհավորել է Հայաստանի վարչապետին եւ Ադրբեջանի նախագահին հրադադարի համաձայնության առթիվ
Շատ կյանքեր են փրկվելու...
ԱՀ-ն հաստատում է իր պատրաստակամությունը՝ պահպանելու մարդասիրական հրադադարի պայմանները. Արայիկ Հարությունյան
Ողջունում եմ Ամերիկայի Միացյալ Նահանգների միջնորդությամբ և ԵԱՀԿ Մինսկի…
Ռոբերտ Օ'Բրայենը շնորհավորել է Հայաստանին ու Ադրբեջանին հրադադարի պայմանավորվածության կապակցությամբ
«Շնորհավորում եմ կողմերին հրադադարի պայմանավորվածության կապակցությամբ: Կյանքեր կփրկվեն երկու կողմերում»,-գրել է նա թվիթերյան էջում…
Դոնալդ Թրամփն այսօր Նյու Հեմշիրում ակնարկեց, որ ԱՄՆ-ն կարող է ճանաչել Արցախի անկախությունը. Լիլիթ Մակունց
Նրանք հիասքանչ մարդիկ են, նրանք կատաղի կռվողներ են, և գիտե՞ք ինչ, մենք մի…
Նյու Յորքում մեկնարկել է հայերի ցույցը`ընդդեմ պատերազմի և մարդասիրական ճգնաժամի
Հազարավոր հայեր և նրանց աջակիցները հավաքվել են Նյու Յորքում և Յու Ջերսիում՝ իրազեկելով…
Հայաստանի եւ Ադրբեջանի ԱԳ նախարարները կհանդիպեն ԵԱՀԿ Մինսկի խմբի համանախագահների հետ հոկտեմբերի 29-ին
ԵԱՀԿ Մինսկի խմբի համանախագահներ (Իգոր Պոպովը ՌԴ-ից, Ստեֆան Վիսկոնտին Ֆրանսիայից եւ Էնդրու Շոֆերը ԱՄՆ-ից) համատեղ հայտարարություն են տարածել...
Ամենաշատ