Կիպրոսի իրավաբանական ծառայությունը (Գլխավոր դատախազության նմանօրինակ) ոստիկանությանը հանձնարարել է ցուցմունքներ հավաքել երկրի տնտեսության մեջ ներդրումներ կատարելու դիմաց Կիպրոսի քաղաքացիություն տրամադրելու ծրագրի իրականացման ժամանակ հնարավոր խախտումների վերաբերյալ գործով։ Այս մասին հայտնում է Կիպրոսյան լրատվական գործալությունը՝ վկայակոչելով ծառայության պաշտոնական հաղորդագրությունը։
Իրավաբանական ծառայության հայտարարությունը կատարվել է Կիպրոսի կառավարության արժեթղթերի եւ բորսաների կոմիտեի նախագահ Դեմետրա Կալոգիրուի ղեկավարած քննիչ հանձնաժողովի զեկույցին ծանոթանալուց հետո, հայտնում է տեղական Cyprus Mail պարբերականը։ Հանձնաժողովն ուսումնասիրել է «ոսկե անձնագրերի» 42 տերերի փաստաթղթերը, որոնց քննությունը դասել է «բարձր ռիսկի» կարգի անձանց, նրանցից յոթի հայտերը չէին համապատասխանում նրանց Կիպրոսի քաղաքացիություն տրամադրելու չափանիշներին, փոխանցում է պարբերականը։ Նրանց գործերը փոխանցվել են երկրի գլխավոր դատախազ Յորգոս Սավիդիսուին, հայտնում է Forbes-ը։
Կիպրոսի իշխանությունները նախաձեռնել են «ոսկե անձնագրերի»` շուրջ 18 տարի գործած ծրագրի շրջանակներում տրված անձնագրերը Al Jazeera-ի կողմից անցկացված հետաքննության հրապարակումից հետո, որում նշվում էր, որ հանրապետությունն անձնագրեր է վաճառել կասկածելի անձանց: Պարբերականը պնդում էր, որ Կիպրոսի քաղաքացիություն են գնել տասնյակ բարձրաստիճան պաշտոնյաներ եւ նրանց ընտանիքները, ինչպես նաեւ` «դատապարտված հանցագործներ, փախուստի մեջ գտնվող մարդիկ եւ «կեղտոտ» փողերի մեծ ռիսկով քաղաքական գործիչներ»:
Կիպրոսի «ոսկե անձնագրերի» 100 տերերի մեջ կա 39 ռուսաստանցի, այդ թվում` Forbes- ի ցուցակի մասնակիցներ: «Բարձ ռիսկային խմբում» պարբերականը նշել է միլիարդատերեր Օլեգ Տինկովին եւ Վադիմ Մոշկովիչին, նախկին միլիարդատեր եւ «Պրոմսվյազբանկ»-ի նախկին բաժնետեր Ալեքսեյ Անանեւին, «Օտկռիտիյե» բանկի նախկին ղեկավար Ռուբեն Աղանբեգյանին, UC Rusal-ի գլխավոր տնօրենի տեղակալ Rusal Մաքսիմ Պոլատաեւին, «Վոստոչնիյ» բանկի նախկին ղեկավար Ալեքսեյ Կորդիչեւին:
