Ֆրանսիայի նախագահ Էմանուել Մակրոնը, ով երեքշաբթի հանդիպել է Բելառուսի նախագահի թեկնածու Սվետլանա Տիխանովսկայայի հետ, խոստացել է աջակցել՝ Բելառուսում քաղաքական ճգնաժամի կարգավորման համար երկխոսություն կազմակերպելու գործում: Այս մասին բելառուսական ընդդիմության առաջնորդը հայտնել է Մակրոնի հետ հանդիպումից հետո:
«Նա խոստացել է անել ամեն ինչ, որպեսզի մեր երկրում քաղաքական ճգնաժամը հաղթահարվի»,-ասել է Տիխանովսկայան:
Երկուշաբթի Վիլնյուսում մամուլի ասուլիսի ժամանակ Մակրոնն ընդգծել է իշխանության եւ ընդդիմության միջեւ երկխոսության կազմակերպման հարցում համագործակցության անհրաժեշտությունը:
Լիտվայի ԱԳՆ ղեկավար Լինաս Լինկյավիչյուսը հաստատել է Մակրոնի եւ Տիխանովսկայայի հանդիպման փաստը:
