Տնտեսական հարցերով խորհրդարանական մշտական հանձնաժողովի նիստը տեւեց ընդամենը 4,5 րոպե։

Հանձնաժողովի նախագահ՝ իշխող «Իմ քայլը» դաշինքի պատգամավոր Բաբկեն Թունյանը նշեց, որ առաջիկա խորհրդարանական քառօրյան ստեղծված իրողություններով պայմանավորված պետք է կարճատեւ լինի, դրանում պետք է ներառել միայն այն հարցերը, որոնք իսկապես նշանակություն ունեն եւ չեն կարող հետաձգվել։

Արդյունքում՝ խորհրդարանական հանձնաժողովի օրակարգի բոլոր 4 հարցերի քննարկումը 2 ամսով հետաձգվեց։

Հիշեցնենք, որ Ադրբեջանի ԶՈւ-ն սեպտեմբերի 27-ի առավոտյան, ամենակոպիտ կերպով խախտելով միջազգային հումանիտար իրավունքի գործող նորմերը եւ հակամարտության կարգավորման խաղաղ բանկցային գործընթացի տրամաբանությունը, կիրառելով հրթիռահրետանային միջոցներ եւ ավիացիա, շփման ամբողջ գծով լայնածավալ հարձակում է սկսել՝ իր թիրախի մեջ վերցնելով Հայաստանի պաշտպանական մարտական դիրքերը եւ Ղարաբաղի խաղաղ բնակավայրերը։