Մեքսիկայի բարձրաստիճան պաշտոնյան հայտարարել է, որ երկրում շատերը կասկածներ ունեին, որ «Հալիսկո» նարկոկարտելը վերահսկում էր տխրահռչակ «Պուենտե Գրանդե» բանտը, որից նարկոբարոն Խոակին Գուզմանն առաջին անգամ փախել էր 2001 թվկանաին, Հայտնում է Associated Press-ը:
Բանտը հայտնի էր դարձել իր թույլ ստանդարտների պատճառով եւ ստացել էր «Պուենտե Գրանդե» անվանումը, ինչը իսպաներենից թարգմանաբար «մեծ դուռ» է նշանակում:
Երկրի հանրային անվտանգության նախարար Ալֆոնսո Դուրազոն հայտարարել է, որ այս բանտի անվտանգության բարձր մակարդակի մասին լուրերը միֆ են, եւ իրականում այն վերահսկվում էր «Հալիսկո» նարկոկարտելի կողմից:
Նախարարի խոսքով` «Հալիսկո» նարկոկարտելի անդամներ հանդիսոցաղ կալանավորների համար, ովքեր հայտնվել էին այս բանտում, լավ պայմաններ էին ստեղծվում կառավարման համար, եւ կարտելը ձգտում էր ընդլայնել իր ազդեցությունը նաեւ այլ բանտերում` կազմակերպելով հանցագործների բաշխումը քրեակատարողական հիմնարկներում:
Երկուշաբթի Մեքսիկայի հանրային անվտանգության նախարարությունը հայտարարել էր բանտի փակման մասին` ասելով, որ այդ քայլը ձեռնարկվում է բանտարկյալների վերադաստիարակության արդիականացման, ինչպես նաեւ ծախսերի կրճատմանն ուղղված կառավարության արշավի շրջանակներում:
