Գագիկ Ծառուկյանն առաջին օրից տեղյակ է բոլոր գործընթացներից. Ինչ հնարավոր է անել անազատության մեջ գտնվելով, պարոն Ծառուկյանն անում է: Այս մասին, այսօր՝ հոկտեմբերի 5-ին, ԱԺ-ում լրագրողների հետ զրույցում նշեց ԲՀԿ խմբակցության քարտուղար Արման Աբովյանը:
«Մենք հիմա պատերազմի մեջ ենք եւ այս վիճակում բոլոր հնարավոր ու անհնարին ջանքերն ու հնարավորությունները պետք է օգտագործենք, որ հասնենք հաղթանակի: ԲՀԿ-ականները առաջնագծում են, օրինակ պարոն Մադաթյանը, երեկ ես եմ վերադարձել, Դավիթ Մանուկյանը, Արայիկ Աղաբաբյանը»,-ասաց նա:
Հարցին, թե կիսո՞ւմ է ԼՀԿ խմբակցության ղեկավար Էդմոն Մարուքյանի կրծխիքը, որ պետք է վարչապետի հետ փակ հանդիպում ունենալ՝ հասկանալու համար ստեղծված իրավիճակը, Արման Աբովյանն ասաց, որ դեռ այդ հարցն իրենք չեն քննարկել. «Իհարկե, կքննարկենք այդ հանդիպման անհրաժեշտությունը: Միգուցե պարոն Մարուքյանը ինչ-որ տեղեկություն ունի, ուզում է պարզել: Այս պահին մեր մասով բան չեմ կարող ասել»:
