Երուսաղեմում ծնված ԱՄՆ քաղաքացիներն այժմ անձնագրերում կկարողանան Իսրայելը նշել որպես իրենց ծննդավայր, ասել է ԱՄՆ պետքարտուղար Մայք Պոմպեոն՝ Վաշինգտոնի կողմից Երուսաղեմը Իսրայելի մայրաքաղաք ճանաչելու կապակցությամբ, հաղորդում է Reuters-ը:
Հինգ տարի առաջ ԱՄՆ Գերագույն դատարանը չեղյալ է հայտարարել օրենքը, որը թույլ էր տալիս Երուսաղեմում ծնված ամերիկացիներին անձնագրերում Իսրայելը նշել որպես իրենց ծննդավայր:
Մահմեդականների, հրեաների եւ քրիստոնյաների համար սուրբ քաղաք Երուսաղեմի ապագա կարգավիճակն նընկած է իսրայելա-պաղեստինյան հակամարտության հիմքում: 2017 թվականին ԱՄՆ նախագահ Դոնալդ Թրամփը փոխեց ԱՄՆ տասնամյա քաղաքականությունը եւ Երուսաղեմը ճանաչեց որպես Իսրայելի մայրաքաղաք:
Իր հայտարարության մեջ Պոմպեոն ասել է, որ Երուսաղեմում ծնված ԱՄՆ քաղաքացիներին Իսրայելը կամ Երուսաղեմը որպես իրենց ծննդավայր ընտրելու թույլտվություն տալու մասին որոշումը «համապատասխանում է Թրամփի 2017 թվականի որոշմանը»:
