Մենք դեռ մարդու իրավունքների պաշտպանի դիմումին ծանոթ չենք, ծանոթ լինելուն պես կարող ենք դիրքորոշում արտահայտել: Այս մասին, այսօր՝ նոյեմբերի 4-ին, ԱԺ-ում լրագրողների հետ զրույցում ՀՀ Արդարադատության նախարար Ռուստամ Բադասյանը՝ անդրադառնալով նրան, որ ՄԻ պաշտպան Արման Թաթոյանը դիմել է ՍԴ՝ ռազմական դրության պայմաններում լրատվամիջոցների սահմանափակումների սահմանադրականության հարցով:
«Որքան ծանոթ եմ պարոն Թաթոյանի հաղորդագրությունից, բարձրացվում է ավելի շատ իրավունքների սահմանափակման ծավալի, համաչափության հարցեր, ոչ թե ինքնին սահմանափակումների իրավաչափությունը: Կծանոթանանք եւ ըստ անհրաժեշտության մեր դիրքորոշումը կներկայացնենք նաեւ ՍԴ-ում»,-հավելեց Բադասյանը:
Հարցին, թե արդյոք դա չի ընկալվում որպես ազատ խոսքի սահմանափակում, Բադասյանը պատասխանեց. «Այո, այս սահմանափակումների նպատակը հենց ուղիղ ազդեցություն ունենալն է խոսքի ազատության վրա, որովհետեւ Սահմանադրությամբ նախատեսված կարգավորումը թույլ է տալիս, որպեսզի ռազմական եւ արտակարգ դրության ընթացքում խոսքի ազատությունը սահմանափակվի: Հայաստանում դա ուղղված չի խոսքի ազատության դեմ, բայց բնականաբար ռազմական դրության ընթացքում խոսքի ազատության սահմանափակման կանոնակարգումներ կան եւ դրանք խիստ անհրաժեշտ են ռազմական դրության ռեժիմն ապահովելու նպատակով:
Ինչ վերաբերում է տուգանքների չափին, կնայենք, կքննարկենք , դեռեւս այքան ժամանակ համաչափության հետ կապված որեւէ գրավոր դիտարկում չենք ստացել»:
