Ադրբեջանն ինքը կորոշի՝ իր սուվերեն տարածքում որտեղ կտեղակայվի համատեղ մոնիթորինգային կենտրոնը, հայտարարել է Ռուսաստանի նախագահ Վլադիմիր Պուտինը, հաղորդում է ՏԱՍՍ-ը:
Նա հավելել է, որ ռուս-թուրքական կենտրոնը կկիրառի անօդաչուներ Ղարաբաղում առցանց ռեժիմում իրավիճակը վերահսկելու համար:
«Մենք պայմանավորվել ենք, որ ստեղծում ենք համատեղ կենտրոն, որը կօգտագործի անօդաչու թռչող սարքեր: Միասին կվերահսկենք իրավիճակը սահմանագծի ուղղությամբ այդ թռչող սարքերի օգնությամբ, միասին կստանանք տեղեկատվությունը, միասին կվերլուծենք այն եւ եզրակացություններ կանենք նրանից, թե ինչ է տեղի ունենում իրական կյանքում առցանց ռեժիմով»,-հայտնել է Պուտինը: Նա հավելել է, որ Լեռնային Ղարաբաղում չեն պահանջվում մոնիթորինգի այնպիսի ձեւեր, ինչպես համատեղ պարեկային ծառայության իրականացումը, որը Ռուսաստանն ու Թուրքիան կիրառել են Սիրիայում: