Այս նկարները, որ ձեզ հեռախոսով ցույց տվեցին, այդ երեխաներին ընդամենը 2-3 օր առաջ են գերության վերցրել Ջեբրայիլի, Հադրութի տարածքից։ Այս մասին այսօր՝ նոյեմբերի 23-ին, «Իմ քայլը» խմբակցության պատգամավոր Անդրանիկ Քոչարյանին ասաց անհետ կորած զինծառայողի հարազատը։
Նշենք, որ այս պահին Պաշտպանության նախարարության դիմաց բողոքի ակցիա են իրականացնում անհետ կորած զինծառայողների ծնողները։
«Պաշտպանության նախարարից խնդրեցինք, պահանջներ ներկայացրինք, ասացինք՝ թող երեխաներին բերեն այս կողմ։ Նախարարը երեք անգամ խոստացել է ու չի արել։ Այդ երեխաները մի ամիս թաքնվել են, հույսով, որ իրենց օգնություն կգա»,- հայտարարեց ակցիայի մասնակիցներից մեկը։
