Շոտլանդիայի խորհրդարանն օրենք է ընդունել կանանց անվճար հիգիենիկ ապրանքներ տրամադրելու մասին: Շոտլանդիան աշխարհում առաջիններից է ընդունել կանանց անվճար տամպոններ եւ միջադիրներ տրամադրելու իրավունքը, հաղորդում է ՌԻԱ նովոստին:
Այս մասին Թվիթթերի իր էջում գրել է Շոտլանդիայի առաջին նախարար Նիկոլա Սթերժենը: Նա նշել է, որ այդպիսով ապահովվել է հիգիենիկ ապրանքների հասանելիությունը նրանց համար, «ովքեր դրա կարիքը ունեն»:
Իշխանությունները կարող են նաեւ այլ պետական մարմիններից պահանջել անվճար հիգիենիկ ապրանքներ տրամադրել: Բացի այդ, դպրոցները, քոլեջներն ու համալսարանները պետք է ապահովեն դրանց անվճար հասանելիությունը:
Օրինագիծը ներկայացվել է Մոնիկա Լեննոնի կողմից աղքատության դեմ պայքարի նպատակով:
