Բարձրագույն դատական խորհրդի անդամները քիչ առաջ մտան կառավարության շենք, նրանք այս պահին հանդիպում են ունենում վարչապետ Նիկոլ Փաշինյանի հետ: Մուտքի մոտ լրագրողների հետ զրույցում նրանցք նշեցին, որ չգիտեն, թե ինչ օրակարգում է լինելու հանդիպումը:
Իսկ հարցին, թե արդյոք սա կարող է դիտարկվել որպես ճնշում դատական իշխանության վրա, պատասխան չհնչեց, նրանք մտան ներս:
Ավելի վաղ NEWS.am-ը հայտնել էր, որ այսօր վարչապետ Նիկոլ Փաշինյանը հանդիպում է կազմակերպել ՀՀ ԲԴԽ կազմի եւ դատարանների նախագահների, այդ թվում՝ քրեական մասնագիտացման դատարանների նախագահների հետ։
Ինքնին փաստը վկայում է այն մասին, որ փորձ է իրականացվում իշխանությունը պահպանելու ճանապարհին սպասվող ռեպրեսիաների ընթացքում ապահովել նաեւ դատարանների վերահսկումն իշխանության կողմից։