Վարչապետի հետ հանդիպել ենք, ինքն ասում է՝ դիմեք երրորդ պետությանը, ռուսին դիմեք, մենք էլ էսօր դիմել ենք։ Այս մասին այսօր՝ դեկտեմբերի 1-ին Պաշտպանության նախարարության դիմաց լրագրողների հետ զրույցում ասաց Անահիտ Ադոյանը, ում 25-ամյա որդին Էջմիածնի զորամասի պայմանագրային աշխատող էր, իսկ հիմա անհետ կորածների ցանկում է։
Անհետ կորած զինծառայողների հարազատներին ընդհանուր առմամբ չի գոհացրել Նիկոլ Փաշինյանի հետ հանդիպումը, այդ իսկ պատճառով կրկին այնտեղ գնալ չեն ցանկանում, փորձում են իրենց հարցերի պատասխանները ստանալ ՊՆ-ից։
«Ո՞ւր է վարչապետը, նա հողին հավասար մարդ է, վարչապետ չկա, սոված էր, նստեց, փորը կշտացրեց հելավ։ Երեկ եղել ենք Կառավարությունում, ոչ մեկ չէր բարեհաճում իջնել, պետք է դուռը ջարդեիք, որ նոր իջնեի՞ն։ Կառավարությունում մարդ չկա, էնտեղ սատկած ոջիլ են, կենդանի էլ չեն։ Շան պես մենակ լափում են, էն գլխից էլ վարչապետին չսիրեցի, չընդունեցի, մինչեւ օրս ցավեցրեց մեզ, չկա վարչապետ, նա հողին հավասար մարդ է»,- ասաց մեկ այլ անհետ կորած զինծառայողի մայրը։
