News
Լրահոս
News
Ուրբաթ
Հունվար 22
USD
518.89
EUR
629.98
RUB
7.05
ME-USD
0.01
Տեսնել լրահոսը


Կարծում եմ՝ այն աշխատանքը, որը նախարարի պաշտոնում իրականացնում եմ եւ կիրականացնեմ, այդ հարցերի պատասխանները կտան։  Այս մասին, այսօր՝ դեկտեմբերի 3-ին, կառավարության հերթական նիստից հետո լրագրողների հետ զրույցում ասաց Աշխատանքի եւ սոցիալական հարցերի նորանշանակ նախարար Մեսրոպ Առաքելյանը՝ անդրադառնալով դիտարկմանը, որ երբ ինքը նշանակվեց նախարար, քաղաքացիները նշում էին, որ ինքը նախկինում ղեկավարում էր «Մոգո» ընկերությունը, որը թալանում էր քաղաքացիներին, ինչպես է այս դեպքում պաշտպանելու քաղաքացիներին։

«Արդեն աշխատում ենք եւ որոշակի արդյունքներ արձանագրված են արդեն»,-նշեց նա։ 

Նախարարը նշեց, որ ինքը տեղեկություն չունի, թե այդ ընկերությունը 400 տոկոսով վարկեր է տալիս: «Բոլոր բանկերն ու վարկային կազմակերպությունները նշում են, թե քանի տոկոսով են վարկեր տալիս։ Ես այնտեղ տնօրեն եմ աշխատել, ինչպես աշխատել եմ դրանից առաջ բազմաթիվ այլ բանկերում»։

Անդրադառնալով պատերազմին եւ դրա արդյունքում ստեղծված վիճակին, Մեսրոպ Առաքելյանը նշեց, որ տեղի ունեցածն ազգային ողբերգություն է. «Բազմաթիվ քաղաքացիներ ունեն անձնական, ընտանեկան ողբերգություն, մենք ունենք հազարավոր քաղաքացիներ, որոնք չունեն այս պահին մշտական բնակության վայր, մեր արցախցի հայրենակիցների զգալի մասը դեռ ՀՀ-ում է ապրում, կան բազմաթիվ վիրավոր զինծառայողներ, որոնց մասով նույնպես կան անելիքներ, հետեւաբար յուրաքանչյուր օր իմ պատասխանատվությունն է հնարավոինս մեղմել այդ մարդկանց խնդիրները: Պատերազմի հետեւանքները համարում եմ ողբերգություն։ Տարածքների հանձնումը տեղի է ունեցել պատերազմի ավարտի հետեւանքով արված հայտարարության հիման վրա։ Այդ պահին իրականացվել է առավելագույն լուծումը»։

Հարցին, թե վարչապետի հրաժարականի անհրաժեշտություն տեսնում եք, նախարարը նշեց.«Իհարկե, ոչ։ Վարչապետը պարզաբանել է տեղի ունեցածը եւ նաեւ այն անելիքները, որ առաջիկա ամիսներին շեշտադրված է հրապարակված ճանապարհային քարտեզով։ Այս պահին կառավարությունն իր բոլոր ջանքերը գործադրում է այդ ճանապարհային քարտեզում նշված բոլոր խնդիրները լուծելու համար»։

Ինչ վերաբերում է իշխանության պատասխանատվություն կրելուն, նա ասաց, որ իհարկե տեղի ունեցած իրադարձությունների համար պատասխանատվությունը ստանձնել է իշխանությունը եւ հետագա գործողութունների պատասխանատվությունը շարունակում է կրել իշխանությունը:

Իրենց բնակարանները կորցրած քաղաքացիների առումով, նախարարն ասաց, որ կառավարության առաջնահերթությունն է նրանց վերադարձը Արցախի Հանրապետութունում նոր կացարաններում ապրելու, բայց կարճաժամկետ արդյունքում դա հնարավոր չէ կազմակերպել:

Տպել
Կարդացեք նաև
Ամբողջը
«Հրապարակ». Զորացրված զինծառայողների զինգրքույկներում համատարած «վարորդ» է նշվում, որ չօգտվեն արտոնություններից
Սա հատկապես արվում է, որպեսզի զինվորները, որոնք կարող են ապագայում ուսանող լինել, չօգտվեն ուսման վարձի 100 տոկոս փոխհատուցումից, որի վերաբերյալ կառավարությունը դեկտեմբերին որոշում ընդունեց...
Պատերազմի ընթացքում ադրբեջանական զինվորականների կողմից հայերին խոշտանգելն ու տանջելն ուներ խորքային պատճառներ․ՀՀ ՄԻՊ
Մանրամասներն արտացոլված են Հայաստանի ու Արցախի Մարդու իրավունքների պաշտպանների 2020թ. համատեղ արտահերթ զեկույցում…
Նիկոլը մնում է իշխանության, որպեսզի վերջնանպատակին հասցնի Հայաստանի ամբողջական թրքացման ծրագիրը. Նարեկ Մանթաշյան
Կոլաբորացիոնիստները և իրենց ընտանիքները անիծվելու են մի քանի սերունդ…
Եվրախորհրդարանն ընդունել է բանաձեւեր, որոնք դատապարտում են Թուրքիային՝ Արցախի դեմ ագրեսիայի համար
Եվրախորհրդարանը առանձին պարբերությամբ խստորեն դատապարտել է Թուրքիայի ապակայունացնող դերը, որն էլ ավելի է խարխլում փխրուն կայունությունը Հարավային Կովկասի ողջ տարածաշրջանում․․․
Շուշիի՝ ադրբեջանական քաղաք լինելու մասին Փաշինյանի հայտարարությունը տգիտության հետևանք է. Միքայել Մինասյան
Շուշին ադրբեջանական քաղաք լինելու հայտարարությունը մնաց անարձագանք…
Եթե երկարեց Փաշինյանի հեռացումը, կվերադառնամ քաղաքականություն. Վահե Հակոբյան
Վարչապետի աթոռը զբաղեցրած անձի թիմում շատ լավ հասկանում են, որ եթե Փաշինյանին հաջողվի անվտանգության երաշխիքներ ստանալ...
Ամենաշատ
Ֆոտոռեպորտաժներ