Business Insider պարբերականը թվարկել է նոթբուքի տաքացումից խուսափելու 6 միջոցներ:
Առաջին հերթին, պետք է խուսափել սարքի օդափոխության անցքերի արգելափակումից: Հակառակ դեպքում, օդը ներսից չի կարող կարգավորվել պատշաճ կերպով: Ինչպես նաեւ պետք է բավական ազատ տարածք թողնել օդափոխության անցքերի շուրջը:
Երկրորդ հերթին, կարելի է հատուկ սառեցնող սարք օգտագործել, որն իրականացնում է արտաքին օդափոխության սարքի դեր:
Երրորդ միջոցը՝ ծրագրեր չօգտագործել, որոնք կարող են ծանրաբեռնել սարքը:
Հաջորդ խորհուրդը՝ անհրաժեշտ է մշտապես մաքրել օդափոխության սարքերը: Մեծ քանակությամբ փոշին կարող է արգելափակել օդային հոսանքները սարքի ներսում եւ առաջացնել դրա տաքացում:
Բացի այդ, անհրաժեշտության դեպքում պետք է փոխել նոթբուքի արտադրողականության կարգավորումները, որպեսզի նվազեցվի սարքի բաղադրիչների ծանրաբեռնվածությունն ու նվազեցվի տաքացման ռիսկը:
Վերջին եւ ամենապարզ միջոցը՝ որոշ ժամանակով համակարգչի անջատումն է, որպեսզի այն հովանա: