Վրաստանի իշող «Վրացական երազանք» կուսակցությունը օրինագիծ է պատրաստում, որով Վրաստանի շնորհազրկված նախկին նախագահ Միխայիլ Սաակաշվիլիին կզրկի վրացական քաղաքականությանը մասնակցելու հնարավորությունից, փոխանցում է «Sputnik- Գրուզիան»:
«Միխայիլ Սաակաշվիլին չի բավարարում միաժամանակ երկու սահմանադրական ցենզի՝ նա Վրաստանի քաղաքացի չէ եւ հեռակա ազատազրկված է: Չնայած դրան, մեր ուկրաինացի գործընկերները չկարողացան կանխել նրա մասնակցությունը Վրաստանի ընտրական գործընթացներին... Ուստի հարցը պետք է լուծենք մենք»,- ասել է «Վրացական երազանքի» գործադիր քարտուղար Իրակլի Կոբախիձեն:
Միխայիլ Սաակաշվիլին նախկին իշխող «Միացյալ ազգային շարժում» կուսակցության հիմնադիրն է: Վրացական քաղաքացիությունը կորցնելով՝ նա ապրում է Կիեւում եւ շարունակում է մնալ իր կուսակցության գաղափարական ոգեշնչողը: Հայրենիքում նրա դեմ հարուցված են մի քանի քրեական գործեր: