«Առանց Նիկոլ Հայաստան» կարգախոսը սահուն կարող է վերածվել նաեւ «առանց Հայկ Երեւանի»: Այս մասին, այսօր՝ դեկտեմբերի 15-ին, Երեւանի քաղաքապետարանի դիմաց ընթացող ակցիայի ժամանակ նշեց ՀՅԴ Երեւանի քաղաքային կոմիտեի ներկայացուցիչը:
Նշենք, որ ակցիայի մասնակիցները նամակ հանձնեցին քաղաքապետարանին, որտեղ քաղաքապետ Հայկ Մարությանին կոչ են անում պահանջել Նիկոլ Փաշինյանի հրաժարականը, ինչպես նաեւ ինքը եւս հրաժարական ներկայացնի:
«Հայկ Մարությանը կամ կասի, որ հրաժարական չեմ տալիս, Նիկոլ Փաշինյանը ճիշտ է, ու այդ դեպքում կկիսի դավաճանի խարանը, կամ որպես մարդ, որը սիրվել է մեր կինոարվեստում, թող հրաժարական տա եւ զբաղվի այդ ոլորտով:
Հիմա կարող է պարոն Մարությանը համաձայն է, որ Նիկոլ Փաշինյանը հրաժարական տա, մենք պետք է իմանանք իր կարծիքը: Եթե համաձայն է, նա իր վրայից կհանի դավաճանությունը կիսելու խարանը, բայց դա չի նշանակի, որ նա կդառնա լավ քաղաքապետ:
Հայ հասարակության առաջին պառակտիչը եղել է Հայկ Մարությանը, որը առաջ քաշեց սեւերի ու սպիտակների թեզը: Այդ թեզի պատճառով Նիկոլ Փաշինյանը եւս պառակտեց հասարակությանը»,-ասաց ՀՅԴ ներկայացուցիչը:
Նամակը հանձնելուց հետո բողոքի ակցիան ավարտվեց: