Բոլոր փաստերը խոսում են այն մասին, որ ԵՄ-ն պատրաստ չէ Ռուսաստանի հետ նորմալ հարաբերություններին: Այս մասին, ՌԻԱ Նովոստիի հաղորդմամբ, հայտարարել է ՌԴ ԱԳՆ ղեկավար Սերգեյ Լավրովը:
«Մենք անդրադարձել ենք ԵՄ-ի եւ Ռուսաստանի միջեւ հարաբերություններին: Մեր գնահատականն ակնհայտ է. բոլոր փաստերը խոսում են այն մասին, որ ԵՄ-ն պատրաստ չէ Ռուսաստանի հետ նորմալ հարաբերություններին»,-ասել է Լավրովը Զագրեբում Խորվաթիայի ԱԳՆ ղեկավարի հետ համատեղ ասուլիսի ժամանակ:
Նա նշել է, որ դա ամենեւին չի խանգարում Ռուսաստանին «բարիդրացիական, արդյունավետ, իրավահավասար հարաբերություններ կառուցել խորվաթ գործընկերների հետ»:
