Նիկոլ Փաշինյանն այս կապիտուլյացիային հասավ հայ-ռուսական հարաբերությունները փչացնելով: Այս մասին, այսօր՝ դեկտեմբերի 16-ին, ընդդիմության կազմակերպած «Արժանապատվության երթի» ժամանակ հայտարարեց «Պոլիտէկոնոմիա» հետազոտական ինստիտուտի ղեկավար Անդրանիկ Թեւանյանը:
«Այսօր, երբ ի հեճուկս Նիկոլ Փաշինյանի եւ իր խունտայի, Արցախի մի մասը կարողացել ենք պահպանել նաեւ ռուս խաղաղապահների միջոցով, փաշինյանական իշխանությունն ագրեսիվ հակառուսական քարոզչությունը շարունակվում է: Սա դավաճանության շարունակությունն է, սա դավաճանություն է հայ ժողովրդի շահերի եւ հայ-ռուսական հարաբերությունների դեմ: Նիկոլ Փաշինյանը լավ գիտի, որ այս տարածաշրջանում եթե Ռուսաստանին ուզում են դուրս մղել, ուրեմն ուզում են հրավիրել թուրքերին: Ի դեմս Նիկոլ Փաշինյանի մենք ունենք թրքամոլ, ադրբեջանամոլ իշխանություն, ու պատահական չէ, որ այս պարտությունից հետո սրանք փրփուրները բերանին քիրվայություն են քարոզում եւ առաջարկում են Ադրբեջանին որպես հաղթող կողմ դարձնել իրենց սուբյեկտ: Սա ամբողջական դավաճանական ծրագրի շարունակությունն է: Նիկոլն իրոք դավաճան է»,-ասաց նա:
