Հայաստանի ֆուտբոլի ֆեդերացիայի նախագահ Ռուբեն Հայրապետյանը հերքել է լուրերը, թե ռուսներին հաղթելու դեպքում Հայաստանի հավաքականի յուրաքանչյուր ֆուտբոլիստ կստանա 40 հազար դոլար: Այդ մասին հաղորդել էին ռուսական լրատվամիջոցները:
«Խաղացողներին պարգեւավճար չի խոստացվել, քանի որ նրանք գալիս են երկրի համար խաղալու, ոչ թե փող վաստակելու: Չգիտեմ, թե ինչպես է Ռուսաստանում, բայց Հայաստանում հենց այդպես է: Նախորդ երկու տարիներին, ինչ մենք ստեղծում ենք Հայաստանի նոր հավաքական, ես ոչ մի անգամ խաղից առաջ ֆուտբոլիստներին չեմ հայտարարել, թե ինչքան կստանան հաղթանակի համար: Կհաղթեն, կգան հանդերձարան` կիմանան»,- Սովսպորտի հետ զրույցում ասել է Հայրապետյանը:
