Գերության մեջ հայտնված շիրակցիների հարազատները փակել են Երևան-Գյումրի ճանապարհը:
Գյուղացիներից մեկը հայտարարեց. «Երեք ամիս իմ երեխուց խաբար չունեմ, թող իմ երեխեքեին բերեն տան մեզ: Բոլոր ծնողները մի մարդ են դարձել, իսկ ղեկավարները երեւի մի տեղ ուտում-խմում են, մեր երեխեքի մասին չեն մտածում»:
Հիշեցնենք, որ Շիրակի մարզի Ազատանի համայնքապետարանը, համայնքի ղեկավար Վարդան Իկիլիկյանի գլխավորությամբ պահանջում են վարչապետ Նիկոլ Փաշինյանի հրաժարականը։ Համայնքի բնակիչներից, սակայն, ոչ բոլորն են համամիտ համյնքապետի հետ։
Հիշեցնենք, որ դեկտեմբերի 16-ին, Շիրակի մարզի մի քանի համայնքների բնակիչներ փակել էին որոշ ճանապարհներ։ Նրանք Արցախի Հին շեն բնակավայրի մոտակայքում շրջափակման մեջ ընկած իրենց հարազատներից որեւէ լուր չունեին, եւ սոցհարթակներում տարածվող տեսանյութերից ենթադրել էին, որ նրանք գերեվարության մեջ են։ Գյուղացիներն, այնուամենայնիվ, որոշել էին ճանապարհներ բացել, եւ հանդիպում ունեցել մարզպետի հետ։