Քաղաքացիները շարունակում են փակ պահել Գորիս-Կապան ճանապարհը:

Նրանցից մեկը նշեց. «Ով կարող է մեզ գարանտիա տալ, ով ինչ ուզում է անի, արդեն ստորագրած է, էլ ի՞նչ գարանտիա»:

Ինչին մեկ այլ քաղաքացի արձագանքեց. «Ստորագրել է, բայց սահմանը պետք է պահի, չէ՞: Եթե չի կարողանում պահի, թող գա նա, ով կարա պահի: Ով կարողանում է պահել, թող գնա պահի:

Ոչ վարչապետն ա հարց լուծող, ոչ էլ մարզպետը: Հարց լուծող մենք պետք է լինենք, որ գնանք էնտեղ կանգնենք»:

Հիշեցնենք, որ 2 օր առաջ հայտնի դարձավ՝ այսօր՝ մինչեւ ժամը 17։00-ն Սյունիքի մարզի Կապան քաղաքի բոլոր դիրքերը հանձնվում են թշնամուն։

Ավելի ուշ, ՊՆ-ից հայտնել էին, որ նախարար Վաղարշակ Հարությունյանը հանդիպել է Սյունիքի մարզի մի շարք համայնքների ղեկավարների հետ եւ  ասել, որ սահմանը ճշգրտվում է երկու կողմերի բարձրաստիճան սպաների ներկայությամբ, եւ որ ՀՀ տարածքից որեւէ մետր չի զիջվելու։